නවසීලන්තය හා බංග්ලාදේශය අතර අද(23) මීර්පූර්හී දී ආරම්භ වූ දෙවැනි එක්දින ක්රිකට් තරගයේ දී පන්දු යවන අන්තයේ රැදී සිටියදී දුවද්දී දැවී යාමකට (මන්කඩ්) හසු වූ ඉෂ් සෝදිව යළි පිතිකරණයේ නිරත වීම සදහා ක්රීඩාංගනයට කැදවීමට බංග්ලාදේශ කණ්ඩායමේ නායක ලිටොන් දාස් පියවර ගත් සිදුවීම මේ වන විට ලොව පුරා ක්රීඩාලෝලීන්ගේ අවධානය දිනා ගැනීමට සමත්ව තිබෙනවා.
තරගයේ පළමුව පන්දුවට පහරදුන් නවසීලන්ත ඉනිමේ 46 වැනි පන්දුවාරයේ දී යි මෙම සිදු වීම වුණේ.
එම පන්දුවාරය යොමු කළ හසන් මහ්මුද් විසින් පන්දු යවන අන්තයේ රැදී සිටි ඉෂ් සෝදි සීමා ඉරෙන් පිටත රැදී සිටීම හේතුවෙන් පන්දුව පිතිකරුවා වෙත යොමු නොකර සිය අන්තයේ පිහිටි කඩුල්ල බිද හෙලීමට කටයුතු කළා.
අනතුරුව එය දැවී යාමක් ලෙස තෙවන විනිසුරු විසින් ද තහවුරු කළා.
කෙසේ වෙතත්, සෝදි ක්රීඩාංගනයෙන් ඉවත් වීමට පෙර බංග්ලාදේශ නායකයාගේ මැදිහත් වීමෙන් ඔහුව යළි පිතිකරණයේ නිරත වීම සදහා කැදවීමටයි කටයුතු කෙරුණේ.
එලෙස ආපසු සිය සීමාව වෙත යමින් සිටියදී සෝදි විසින් මහ්මුද්ව වැලද ගැනීම ද බොහෝ දෙනෙකුගේ අවධානය දිනා ගත් සිදු වීමක් බවට පත් වුණා.
අදාළ දුවද්දී දැවී යාම සිදු වන විට සෝදි පන්දු 26 කින් ලකුණු 17 ක් ලබා සිටි අතර, එම සිදු වීමෙන් අනතුරුව ඔහු පන්දු 13 කින් ලකුණු 18 ක් රැස් කළා.
නවසීලන්තය පන්දුවාර 49.2 ක් අවසානයේ සියලු දෙනා දැවී රැස් කළ ලකුණු සංඛ්යාව 254 ක්.
Ish Sodhi was run out at the non strikers end by Hasan Mahmud. The third umpire checked and gave OUT! But when Sodhi started walking out, skipper Litton Das and Hasan Mahmud called him back again. What a beautiful scene! Lovely spirit of the game. The hug at the end was wonderful… pic.twitter.com/GvrpjXcJwB
— SportsTattoo Media (@thesportstattoo) September 23, 2023
