දකුණු අප්රිකාවට පසුව තරග රටා ත්රිත්වයෙන්ම එකම අවස්ථාවක ශ්රේණිගත කිරීම්හි පළමු ස්ථානය හිමි කර ගත් එකම රට බවට පත් වීමට ඉන්දියාව මේ වන විට සමත්ව තිබෙනවා.
ඒ, ඔස්ට්රේලියාව සමග පැවැති පළමු එක්දින ක්රිකට් තරගයෙන් ලැබූ කඩුලු 5ක ජයත් සමගයි.
ඒ අනුව මෙතෙක් එක්දින ශ්රේණිගත කිරීම්හි පළමු ස්ථානයේ පසු වූ පාකිස්තානය දෙවැනි ස්ථානයට ඇද දමමින් එහි පළමු ස්ථානය හිමි කර ගැනීමට ඉන්දියාව සමත්ව සිටිනවා.
20යි 20 හා ටෙස්ට් යන තරග රටාවලද මේ වන විට ශ්රේණිගත කිරීම්හි පෙරමුණේ පසුවන්නේ ඉන්දියාවයි.
මීට පෙර 2012 වසරේ දී දකුණු අප්රිකාව මෙලෙස තරග රටා ත්රිත්වයේම පළමු ස්ථානය හිමි කර ගෙන තිබුණා.
ඒ අනුව දකුණු අප්රිකාව හා ඉන්දියාව හැරුණු විට ක්රිකට් ඉතිහාසයේ දී වෙනත් කිසිදු කණ්ඩායමක් මෙම දක්ෂතාවය දැක්වීමට සමත්ව නැහැ.
