සංචාරක ඔස්ටේ්රලියානු කණ්ඩායම සමග පැවැත්වෙන තරග 3කින් යුත් එක්දින ක්රිකට් තරගාවලියේ පළමු තරගයෙන් කඩුලු 5ක ජයක් වාර්තා කිරීමට ඉන්දීය කණ්ඩායම අද සමත් වුණා.
මොහාලි හී දී පැවැති තරගයේ කාසියේ වාසිය දිනූ ඉන්දියාවේ ආරාධනයෙන් පළමුව පන්දුවට පහරදුන් ඔස්ටේ්රලියානු කණ්ඩායම නියමිත පන්දුවාර 50 අවසානයේ සියලු දෙනා දැවී ලකුණු 276 ක් ලබා ගත්තා.
ඩේවිඩ් වෝනර් ලකුණු 52 ක්, ජොෂ් ඉන්ග්ලිස් ලකුණු 45 ක් හා ස්ටීවන් ස්මිත් ලකුණු 41 ක් රැස් කළා. මර්නස් ලබුෂේන් ලකුණු 39 යි.
පන්දු යැවීමේ දී මොහමඩ් ෂාමි ලකුණු 51 කට කඩුලු 5 ක් දවා ගත්තා.
පිළිතුරු ඉනිම ක්රීඩා කළ ඉන්දියාව ඉනිම නිමා වීමට පන්දු 8 ක් ඉතිරිව තිබියදී ජයග්රාහී ඉලක්කය පසු කළා.
ආරම්භක කඩුල්ල සදහා ලකුණූ 142 ක සම්බන්ධතාවයක් පිහිටුවීමට ෂුබ්මන් ගිල් හා රුටුරාජ් ගයික්වඩ් සමත් වුණා. ගිල් ලකුණු 74 ක් ද, රුටුරාජ් ලකුණූ 71 ක් ද ලබා ගත්තා.
නායක කේ එල් රාහුල් නොදැවී ලකුණූ 58 ක් රැස් කළ අතර, සූර්යකුමාර් යාදව් ලකුණු 50 කට දැවී ගියා.
