2023 ලෝක කුසලාන එක්දින ක්රිකට් තරගාවලියට පෙර පුහුණු තරග පැවැත්වෙන අවසන් දිනය අදයි (3).
අද දිනයේ දී පුහුණු තරග 3 ක් පැවැත්වෙන අතර, ශ්රී ලංකාව හා ඇෆ්ඝනිස්තානය අතර තරගය මේ වන විට ගුවහාටිහී දී පැවැත්වෙනවා.
නායක දසුන් ශානක ආබාධයකින් පසුවන බැවින් ඔහුව මෙම තරගයෙන් විවේක ගැන් වූ අතර, කුසල් මෙන්ඩිස් වැඩබලන නායකයා ලෙස කටයුතු කරනවා.
තරගයේ කාසියේ වාසිය දිනූ ඇෆ්ඝනිස්තානය පන්දු යැවීමටයි තීරණය කළේ.
ඒ අනුව පිතිකරණය සදහා පිටියට පිවිසි ශ්රී ලංකා කණ්ඩායම වෙනුවෙන් සුපිරි ඉනිමක් ක්රීඩා කිරීමට කුසල් මෙන්ඩිස් සමත් වුණා.
එක්දින ජාත්යන්තර ශතකයක් කලකින් වාර්තා කිරීමට නොහැකි වී සිටින මෙන්ඩිස් මෙම ඉනිමේ දී පන්දු 87 කින් වාර්තා කළ ලකුණු සංඛ්යාව 158 ක්.
දැවැන්ත හයේ පහර 9 ක් හා හතරේ පහර 19 ක් ඔහුගේ ඉනිම වර්ණවත් කළා.
181.60 ක ප්රහාරාත්මක වේගයක් සමග පන්දුවට පහර දෙමින් සිටි ඔහු සෙසු පිතිකරුවන්ට ද අවස්ථාවක් ලබා දෙමින් පිටියෙන් ඉවත් වීමට තීරණය කළේ ඉනිමේ 30 වැනි පන්දුවාරය අවසන් වීමත් සමගයි.
— cric sl (@cricslvideo) October 3, 2023
