2024 කෝපා ඇමෙරිකා පාපන්දු තරගාවලියේ ශූරතාවය දිනා ගැනීමට ආර්ජන්ටිනා කණ්ඩායම මෙරට වේලාවෙන් අද(15) පෙරවරුවේ සමත් වුණා.
ඒ, අවසන් මහා තරගයෙන් කොලොම්බියා කණ්ඩායම ගෝල 1-0 ක් ලෙස පරාජයට පත් කරමින්.
තරගයේ පළමු අර්ධය හා නියමිත කාලය අවසන් වුණේ කණ්ඩායම් දෙකෙන්ම කිසිදු ගෝලයක් වාර්තා වීමකින් තොරවයි.
කෙසේ වෙතත්, අතිරේක කාලයේ දී ක්රියාත්මක වූ Lautaro Martínez විසින් 112 වැනි මිනිත්තුවේ දී ආර්ජන්ටිනාවට ජයග්රාහී ගෝලය රැස් කර දුන්නා.
මෙය ආර්ජන්ටිනාව ජය ගත් 16 වැනි කෝපා ඇමෙරිකා ශූරතාවය වීම ද විශේෂත්වයක්.
ආර්ජන්ටිනාව අඛණ්ඩව කෝපා ඇමෙරිකා ශූරතාවය දිනූ දෙවැනි අවස්ථාව මෙය වන අතර, 2022 පාපන්දු ලෝක ශූරතාවය ද ජය ගත්තේ ආර්ජන්ටිනාවයි. ඒ අනුව ඔවුන් අඛණ්ඩව ප්රධාන පාපන්දු තරගාවලි ත්රිත්වයක් ජය ගැනීමට මේ වන විට සමත්ව සිටිනවා.
අවසන් තරගය අතරතුර දී සුපිරි ආර්ජන්ටිනා ක්රීඩක ලියනල් මෙසීට ආබාධයකට ලක් වීම නිසා පිටියෙන් ඉවත් වීමට සිදු වීම ද කැපී පෙනුණා.
එම අවස්ථාවේ දී ඔහු දැඩි ලෙස හැගීම්බර වී කදුළු සලමින් සිටින අයුරු ද දැක ගත හැකි වුණා. (දර්ශන පහතින්)
මේ අතර, මෙම තරගය සුපිරි ආර්ජන්ටිනා ක්රීඩක Angel Di María ක්රීඩා කළ අවසන් ජාත්යන්තර තරගය වීම ද විශේෂත්වයක්.
Messi is in tears as he is subbed off due to injury 💔 pic.twitter.com/t0l3OLLuWf
— FOX Soccer (@FOXSoccer) July 15, 2024
