2024 කෝපා ඇමෙරිකා පාපන්දු තරගාවලිය යටතේ ආර්ජන්ටිනාව හා කොලොම්බියාව අතර පැවැති අවසන් මහා තරගය ආරම්භ වීම අද මිනිත්තු 75 ක පමණ කාලයකින් ප්රමාද වුණා.
ඒ, ප්රේක්ෂකයින් පිරිසක් විසින් ප්රධාන පිවිසුම් ගේට්ටුවක ආරක්ෂාව බිඳ දමමින් ක්රීඩාංගනය තුළට කඩා වැදීම හේතුවෙන්.
තරගය ඇමෙරිකා එක්සත් ජනපදයේ ෆ්ලොරිඩාහි Hard Rock ක්රීඩාංගනයේ දී එරට වේලාවෙන් ඉරිදා රාත්රී 8:00 ට (ශ්රී ලංකා වේලාවෙන් අද (සදුදා) අලුයම 5:30 ට) ආරම්භ වීමට නියමිතව තිබුණා.
කෙසේ වෙතත්, තරගය ආරම්භ කිරීමට හැකි වූයේ රාත්රී 9:22 ටයි.
ආරක්ෂාව බිද දමමින් ක්රීඩාංගනයට ඇතුළු වූ ඇතැම් ප්රේක්ෂකයින් අත්අඩංගුවට ගැනීමට ද ආරක්ෂක නිළධාරීන් සමත් වී තිබුණා.
මෙම සිද්ධිය හේතුවෙන් කණ්ඩායම් දෙකේම ක්රීඩකයින්ව ඔවුන්ගේ පුහුණුවීම් කටයුතු අතරතුර පිටියෙන් ඉවත් කර ගැනීමට ද බලධාරීන් පියවර ගත්තා.
ප්රවේශ පත්ර මිලදී නොගත් දහස් සංඛ්යාත ප්රේක්ෂකයින් පිරිසක් ක්රීඩාංගනයට පිවිසීමට ගත් උත්සාහයක් හේතුවෙන් මෙම තත්ත්වය ඇති වූ බවත්, පසුව ක්රීඩාංගනයේ දොරටු තාවකාලිකව වසා දමා තත්ත්වය සමථයකට පත් කිරීමට සිදු වූ බවත් Hard Rock ක්රීඩාංගනයේ බලධාරීන් නිවේදනයක් නිකුත් කරමින් සදහන් කළා.
This Copa América Final is a complete mess.
Been delayed over an hour and I wouldn’t be surprised if they delay it even more. Not a good look when we will be hosting the World Cup in a couple years.
— Teddy (@TEDDY127_) July 15, 2024
