ශ්රී ලංකා – නවසීලන්ත දෙවැනි පන්දුවාර විස්සයි 20 ක්රිකට් තරගයේ දී කඩුලු ත්රිත්වයක් දවා ගැනීමට නවසීලන්ත වේග පන්දු යවන ක්රීඩක ලොකී ෆර්ගසන් අද(10) සමත් වුණා.
දඹුල්ලේ දී ආරම්භ වූ තරගයේ කාසියේ වාසිය දිනූ ශ්රී ලංකාවේ ආරාධනයෙන් පළමුව පන්දුවට දුන් නවසීලන්තය පන්දුවාර 19.3 ක් අවසානයේ සියලු දෙනා දැවී ලබා ගත්තේ ලකුණු 108 ක් පමණයි.
පිළිතුරු ශ්රී ලංකා ඉනිමේ දෙවැනි, තෙවැනි හා සිව්වැනි කඩුලු පිට පිට පන්දු තුනකදී (පන්දුවාර දෙකකදී) දවා ගනිමිනුයි ෆර්ගසන් සිය කඩුලු ත්රිත්වය සම්පූර්ණ කළේ.
ඔහුගේ පන්දු හමුවේ දැවී ගියේ කුසල් පෙරේරා (ලකුණු 3), කමිදු මෙන්ඩිස් (ලකුණු 1) හා චරිත් අසලංක (ලකුණු 0) යන පිතිකරුවන්.
6 වැනි පන්දුවාරයේ අවසන් පන්දුවේදී, 8 වැනි පන්දුවාරයේ පළමු හා දෙවැනි පන්දුවලදී එම කඩුලු 3 දැවී ගියා.
මීට පෙර Jacob Oram, Tim Southee, Michael Bracewell හා Matt Henry යන ක්රීඩකයින් නවසීලන්තය වෙනුවෙන් විස්සයි 20 ජාත්යන්තර පිටියේ දී කඩුලු ත්රිත්වයන් දවා ගෙන තිබුණා.
දර්ශන පහතින් –
— cric sl (@cricslvideo) November 10, 2024
