නවසීලන්ත ටෙස්ට් නායක ටිම් සවුති සිය නායකත්ව ධූරයෙන් ඉල්ලා අස් වී තිබෙනවා. ඒ, ශ්රී ලංකා තරග සංචාරයේ දී ටෙස්ට් තරගාවලිය තරග 2-0 ක් ලෙස පරාජයට පත් වූ පසුබිමකයි.
ඒ අනුව නවසීලන්ත ටෙස්ට් කණ්ඩායමේ නව නායකයා ලෙස පත් කර ඇත්තේ ටොම් ලේතම්.
ටිම් සවුතිගේ නායකත්වයෙන් නවසීලන්ත කණ්ඩායම ටෙස්ට් තරග 14 ක් ක්රීඩා කර ඇති අතර, ඉන් තරග 6ක් ජය ගත් නවසීලන්තය තරග 6ක් පරාජයට පත් වුණා. ජය පරාජයෙන් තොරව අවසන් වූ තරග ගණන 2 ක්.
2022 වසරේ දී එවකට සිටි නායක කේන් විලියම්සන් අදාළ ධූරයෙන් ඉවත් වීමත් සමගයි ටිම් සවුතිට ටෙස්ට් කණ්ඩායමේ නායකත්වය හිමි වුණේ.
ශ්රී ලංකාව සමග ගාල්ලේ පැවැති පළමු ටෙස්ට් තරගයේ දී නවසීලන්තය ප්රබල සටනක් ලබා දුන් නමුත්, ඔවුන් එම තරගයෙන් ලකුණු 63 ක පරාජයක් ලැබුවා. කෙසේ වෙතත්, දෙවැනි ටෙස්ට් තරගයේ දී නවසීලන්තයට ඉනිමක හා ලකුණු 154 ක දැවැන්ත පරාජයක් උරුම වුණා.
නවසීලන්තය ඉදිරියේ දී ඉන්දියාවට එරෙහිව තරග 3 කින් යුත් ටෙස්ට් තරගාවලියක් ක්රීඩා කිරීමට නියමිතයි.
සවුති වෙනුවට නායකයා ලෙස පත් කෙරුණු ටොම් ලේතම් මීට පෙර 2020 – 2022 අතර කාලයේ දී නවසීලන්ත ටෙස්ට් කණ්ඩායම තරග 9 කදී මෙහෙයවා තිබුණා.
