ඔස්ට්රේලියාව සමග පැවැති පළමු පන්දුවාර විස්සයි 20 ක්රිකට් තරගයේ දී පිට පිට විශීෂ්ඨ පන්දු තුනක් යොමු කරමින් ඔස්ට්රේලියානු ඉනිමේ 7 වැනි, 8 වැනි හා 9 වැනි කඩුලු දවා ගැනීමට එංගලන්ත වේග පන්දු යවන ක්රීඩකයින් දෙදෙනෙකු වන ජොෆ්ර ආචර් හා සකිබ් මහ්මූද් සමත් වුණා.
කෙසේ වෙතත්, මෙම තරගයෙන් ලකුණු 28 ක ජයක් වාර්තා කිරීමට සමත් වුණේ සංචාරක ඔස්ට්රේලියානු කණ්ඩායමයි.
සවුත්හැම්ටන්හි පැවැති තරගයේ කාසියේ වාසිය දිනූ එංගලන්තයේ ආරාධනයෙන් පළමුව පන්දුවට පහරදුන් ඔස්ට්රේලියානු පිල පන්දුවාර 19.3 ක් අවසානයේ සියලු දෙනා දැවී ලකුණු 179 ක් ලබා ගත්තා.
ඒ, පවර්ප්ලේ අවස්ථාව නිමා වන විට ඔවුන් කඩුල්ලක් දැවී ලකුණු 86 ක් ලබා සිටි පසුබිමකයි. අනතුරුව හොදින් තරගයට අවතීර්ණ වූ එංගලන්ත පන්දු යවන්නන් ඔස්ට්රේලියානු කණ්ඩායමට ලකුණු 200 සීමාව ඉක්මවා යාමට අවස්ථාවක් ලබා දුන්නේ නැහැ.
නමුත්, පිළිතුරු ඉනිම ක්රීඩා කළ එංගලන්තය පන්දුවාර 19.2 ක් අවසානයේ සියලු දෙනා දැවී රැස් කළේ ලකුණු 151 ක් පමණයි.
ඔස්ට්රේලියානු ඉනිමේ 18 වැනි පන්දුවාරයේ අවසන් පන්දු දෙකේ දී කෙළින්ම පන්දුව කඩුල්ලේ වැදීමට සලස්වමින් ජොෆ්ර ආචර් විසින් ශෝන් ඇබෝට්ගේ හා Xavier Bartlett ගේ කඩුලු දවා ගැනීමට සමත් වුණා.
අනතුරුව 19 වැනි පන්දුවාරයේ පළමු පන්දුව ද කෙළින්ම කඩුල්ලේ වැදීමට සලස්වමින් සකිබ් මහ්මූද් විසින් කැමරන් ග්රීන්ගේ කඩුල්ල දවා ගත්තා.
දර්ශන පහතින් නරඹන්න –
— cric sl (@cricslvideo) September 12, 2024
