සංචාරක බටහිර ඉන්දීය කොදෙව් කණ්ඩායම සමග පැවැති දෙවැනි එක්දින ක්රිකට් තරගයෙන් ලකුණු 83 ක ජයක් වාර්තා කරමින් දෙරට අතර පැවැත්වෙන තරග 3කින් යුත් එක්දින තරගාවලිය තරගයක් ඉතිරිව තිබියදීම (2-0) ජය ගැනීමට ඔස්ට්රේලියානු කණ්ඩායම අද(4) සමත් වුණා.
සිඩ්නි හී දී පැවැති තරගයේ කාසියේ වාසිය දිනූ කොදෙව්වන්ගේ ආරාධනයෙන් පළමුව පන්දුවට පහරදුන් ඔස්ට්රේලියාව කඩුලු 9ක් දැවී ලකුණු 258 ක් රැස් කළා.
ඉනිමේ වැඩිම ලකුණුලාභියා වූයේ ශෝන් ඇබෝට්. ඔහු ලකුණු 69 ක් ලබා ගත්තේ පන්දු 63 කින්. හයේ පහර 4ක් හා හතරේ පහරක් ඔහුගේ ඉනිමට ඇතුළත්.
පන්දු යැවීමේ දී Gudakesh Motie ලකුණු 28 කට කඩුලු තුනක් දවා ගත්තා.
පිළිතුරු ඉනිම ක්රීඩා කළ කොදෙව්වන්ට පන්දුවාර 43.3 ක් අවසානයේ සියලු දෙනා දැවී ලබා ගත හැකි වූයේ ලකුණු 175 ක් පමණයි.
කේසි කාර්ති ලකුණු 40 ක් රැස් කළ අතර, නායක ෂේයි හෝප් ලකුණු 29 කට දැවී ගියා.
පන්දු යැවීමේ දී ජොෂ් හේසල්වුඩ් හා ශෝන් ඇබෝට් කඩුලු 3 බැගින් බිද හෙලුවා.
