මෙවර දකුණු අප්රිකාවේ පැවැත්වෙන වයස අවුරුදු 19 න් පහළ ලෝක කුසලාන එක්දින ක්රිකට් තරගාවලියේ 15 වැනි හා 16 වැනි තරගවලින් ජය ගැනීමට ඉන්දියාව හා ඔස්ට්රේලියාව සමත් වුණා.
ඔවුන් හමුවේ පරාජයට පත් වුණේ පිළිවෙලින් අයර්ලන්තය හා සිම්බාබ්වේ යන කණ්ඩායම්.
Bloemfontein හි පැවැති ඉන්දු-අයර්ලන්ත තරගයේ පළමුව පන්දුවට පහරදුන් ඉන්දීය යොවුන් කණ්ඩායම කඩුලු 7ක් දැවී ලකුණු 301 ක් ලබා ගනිමින් නියමිත පන්දුවාර 50 අවසන් කළා.
Musheer Khan ලකුණු 118 ක් රැස් කළ අතර, පන්දු යැවීමේ දී Oliver Riley ලකුණු 55 කට කඩුලු 3 ක් දවා ගත්තා.
පිළිතුරු ඉනිම ක්රීඩා කළ අයර්ලන්ත යොවුන් පිලට පන්දුවාර 29.4 ක් අවසානයේ සියලු දෙනා දැවී ලබා ගත හැකි වූයේ ලකුණු 100 ක් පමණයි.
Daniel Forkin නොදැවී ලකුණු 27 ක් රැස් කළ අතර, පන්දු යැවීමේ දී Naman Tiwari ලකුණු 53 කට කඩුලු 4 ක් දවා ගත්තා.
මේ අතර, Kimberley හි පැවැති ඔස්ට්රේලියා-සිම්බාබ්වේ තරගයේ පළමුව පන්දුවට පහරදුන් ඔස්ට්රේලියානු යොවුන් කණ්ඩායම කඩුලු 7ක් දැවී ලකුණු 296 ක් රැස් කළ අතර, පිළිතුරු ඉනිම ක්රීඩා කළ සිම්බාබ්වේ කණ්ඩායමට පන්දුවාර 23.2 ක් අවසානයේ සියලු දෙනා දැවී රැස් කර ගත හැකි වූයේ ලකුණු 71 ක් පමණයි.
ඔස්ට්රේලියානු ඉනිම වෙනුවෙන් Harry Dixon ලකුණු 89 ක් ලබා ගත් අතර, පන්දු යැවීමේ දී ඔස්ට්රේලියාව වෙනුවෙන් Harkirat Bajwa ලකුණු 15 කට කඩුලු 4ක් බිද හෙලුවා.
