ඉන්දීය කාන්තා කණ්ඩායම සමග පැවැත්වෙන තරග තුනකින් යුත් එක්දින ක්රිකට් තරගාවලිය තරගයක් ඉතිරිව තිබියදීම ජය ගැනීමට (2-0) සංචාරක ඔස්ට්රේලියානු කාන්තා කණ්ඩායම සමත් වුණා.
ඒ, දෙරට අතර පැවැති දෙවැනි එක්දින තරගයෙන් ඔස්ට්රේලියාව ලකුණු තුනක තියුණු ජයක් වාර්තා කිරීමත් සමගයි.
මුම්බායි හි වන්කඩේ ක්රීඩාංගනයේ පැවැති තරගයේ කාසියේ වාසිය දිනා පළමුව පන්දුවට පහරදුන් ඔස්ට්රේලියානු ක්රීඩිකාවන් නියමිත පන්දුවාර 50 නිමා කළේ කඩුලු 8ක් දැවී ලකුණු 258 ක් ලබා ගනිමින්.
Phoebe Litchfield ලකුණු 63 ක් හා Ellyse Perry ලකුණු 50 ක් ලබා ගත්තා.
පන්දු යැවීමේ දී Deepti Sharma කඩුලු පහක් දවා ගත්තේ ලකුණු 38 ක් ලබා දෙමින්.
පිළිතුරු ඉනිම ක්රීඩා කළ ඉන්දියාවට කඩුලු 8ක් දැවී ලබා ගත හැකි වූයේ ලකුණු 255 ක් පමණයි.
Richa Ghosh ලකුණු 96 කට දැවී ගිය අතර, පන්දු යැවීමේ දී Annabel Sutherland ලකුණු 47 කට කඩුලු 3 ක් බිද හෙලුවා.
මෙම තරගයේ දී කණ්ඩායම් දෙකේම ක්රීඩිකාවන් අතින් උඩ පන්දු 11 ක් ගිලිහී ගිය අතර, ඉන්දීය කණ්ඩායමෙන් පමණක් උඩ පන්දු 7ක් ගිලිහී යාම ඔවුන් තරගයෙන් පරාජයට පත් වීමට බෙහෙවින් බලපානු ලැබුවා.
