2023 ලෝක කුසලාන එක්දින ක්රිකට් තරගාවලියේ පුහුණු තරග යටතේ පැවැත්වීමට නියමිත පාකිස්තාන-නවසීලන්ත තරගය ප්රේක්ෂකයින්ට නැරඹීමට අවසර ලබා නොදී පැවැත්වීමට තීරණය කළ බව ඉන්දීය ක්රිකට් පාලක මණ්ඩලය අද(25) නිවේදනය කළා.
ඒ, ආරක්ෂක අංශ විසින් ලබා දී ඇති උපදෙස් සැලකිල්ලට ගනිමින්.
මෙම තරගය එළඹෙන 29 වැනිදා හයිදරාබාද් හී දී පැවැත්වීමට නියමිතව තිබෙනවා.
එදින පැවැත්වීමට නියමිත ආගමික උත්සවයක් හේතුවෙන් තරගය සදහා ප්රමාණවත් ආරක්ෂාවක් ලබා දීමට ආරක්ෂක අංශ වෙත නොහැකි වී ඇති බවයි වාර්තා වුණේ.
ආගමික උත්සවය නිසා එදින හයිදරාබාද් නගරයට දැවැන්ත ජනකායක් එක් රැස් වීමට නියමිතව තිබෙනවා.
කෙසේ වෙතත්, එම තරගය නැරඹීම සදහා මේ වන විටත් ප්රේක්ෂකයින් රැසක් ප්රවේශ පත්ර මිලදී ගෙන අවසන්ව ඇති බැවින් ඔවුන් සියලු දෙනාට ඊට අදාළ මුදල් ආපසු ලබා දෙන බවයි ඉන්දීය ක්රිකට් පාලක මණ්ඩලය සදහන් කළේ.
මීට පෙර ද ආරක්ෂාව සම්බන්ධයෙන් පැන නැගුණු ගැටලු හේතුවෙන් තරගාවලියේ තරග කාලසටහන ද සංශෝදනය කිරීමට සිදු වුණා.
