දකුණු අප්රිකාව හා ඔස්ට්රේලියාව අතර තෙවැනි හා අවසන් පන්දුවාර 20යි 20 ක්රිකට් තරගයේ දී ක්රීඩාංගනයට පැමිණ සිටි ප්රේක්ෂකයෙකු විසින් සිදු කළ ක්රියාවක් මේ වන විට බොහෝ දෙනෙකුගේ අවධානය දිනා ගැනීමට සමත්ව තිබෙනවා.
ඩර්බන් හී දී අද(3) පස්වරුවේ ආරම්භ වූ මෙම තරගයේ කාසියේ වාසිය දිනූ දකුණු අප්රිකා කණ්ඩායම පළමුවෙන් පන්දුවට පහර දීමටයි තීරණය කළේ.
ඒ අනුව නියමිත පන්දුවාර 20 අවසානයේ දී දකුණු අප්රිකාව කඩුලු 8 ක් දැවී ලකුණු 190 ක් ලබා ගත්තා.
Donovan Ferreira පන්දු 21 කින් ලකුණු 48 ක් රැස් කළේ හයේ පහර 5 ක් හා හතරේ පහරක් සමගින්. Aiden Markram ලකුණු 41(23) ක් හා Reeza Hendricks ලකුණු 42(30) ක් රැස් කළා.
පන්දු යැවීමේ දී Sean Abbott ලකුණු 31 කට කඩුලු 4 ක් දවා ගත්තා.
ඉනිම අතරවාරයේ දී Ferreira එල්ල කළ හයේ පහරකින් පසුව පන්දුව රැක ගත් ප්රේක්ෂකයෙකු විසින් එම පන්දුවෙහි සිය අත්සන වැනි යමක් සටහන් කර යළි ක්රීඩාංගනයට පන්දුව විසි කිරීම කැපී පෙනුණා.
අනතුරුව එම පන්දුව වෙනුවට වෙනත් පන්දුවක් ආදේශ කිරීමට ද විනිසුරුවන් කටයුතු කළා. (දර්ශන පහතින් නරඹන්න)
— CricDaily24 (@cricday96) September 3, 2023
