මෙවර ඉන්දීය ප්රිමියර් ලීග් ක්රිකට් තරගාවලිය යටතේ චෙන්නායි සුපර් කිංගස් කණ්ඩායම හා ලක්නව් සුපර් ජයන්ට්ස් කණ්ඩායම අතර අද (3) පැවැති තරගාවලියේ 45 වැනි තරගය වර්ෂාව හේතුවෙන් ප්රතිපලයකින් තොරව අවසන් වුණා.
ලක්නව් හී දී පැවැති තරගයේ කාසියේ වාසිය දිනූ චෙන්නායි පිල පළමුව පන්දුවට පහර දීමේ අවස්ථාව ලක්නව් කණ්ඩායමට ලබා දුන්නා.
ලක්නව් කණ්ඩායම පන්දුවාර 19.2 ක් අවසානයේ කඩුලු 7 ක් දැවී ලකුණු 125 ක් ලබා සිටියදී තරගයට වර්ෂාවෙන් බාධා එල්ල වූ අතර, අනතුරුව තරගය යළි ආරම්භ කිරීමට හැකි වූයේ නැහැ.
ලක්නව් ඉනිමේ පළමු කඩුලු 5 ලකුණු 44 ක් තුළ බිද වැටුණා. අනතුරුව අයුෂ් බදෝනි පන්දු 33 කින් නොදැවී රැස් කළ ලකුණු සංඛ්යාව 59 ක්. ඒ, හයේ පහර 4 ක් හා හතරේ පහර 2 ක් සමගින්. නිකලස් පූරාන් පන්දු 31 කින් ලකුණු 20 ක් ලබා ගත්තා.
පන්දු යැවීමේ දී මොයීන් අලී, මහීෂ් තීක්ෂන හා මතීෂ පතිරණ කඩුලු 2 බැගින් බිද හෙලුවා.
තරගය ප්රතිපලයකින් තොරව අවසන් වීම හේතුවෙන් කණ්ඩායම් දෙකටම ප්රසාද ලකුණ බැගින් හිමි වුණා.
ඒ අනුව ලක්නව් කණ්ඩායම හා චෙන්නායි කණ්ඩායම ප්රසාද ලකුණු 11 බැගින් ලබා මේ වන විට පිළිවෙලින් දෙවැනි හා තෙවැනි ස්ථානවල රැදී සිටිනවා.
