ඔස්ට්රේලියාවේ දී අත්අඩංගුවට පත් වූ ශ්රී ලංකා ක්රිකට් ක්රීඩක ධනුෂ්ක ගුණතිලකට ඇප ලබා දීම අද(7) දිනයේ දී ප්රතික්ෂේප කර ඇති බව වාර්තා වනවා.
කාන්තාවකට අතවර කිරීමේ චෝදනා යටතේ ඔහුව ඉරිදා(6) අලුයම් කාලයේ දී අත්අඩංගුවට ගෙන තිබුණේ සිඩ්නි නුවර හෝටලයකදීයි.
අනතුරුව ඔහුව අද දිනයේ දී සිඩ්නි නුවර අධිකරණයක් හමුවට වීඩියෝ මාර්ගගත තාක්ෂණය ඔස්සේ ඉදිරිපත් කර තිබූ අතර, එහිදී ධනුෂ්ක ගුණතිලකට ඇප ලබා දීම ප්රතික්ෂේප වී ඇති බව සදහන්.
සිද්ධිය සම්බන්ධයෙන් වන අධිකරණ ක්රියාවලිය තම ආයතනය සමීපව නිරීක්ෂණය කරමින් සිටින බවයි ශ්රී ලංකා ක්රිකට් ආයතනය සදහන් කළේ.
අයි.සී.සී ය සමඟ සාකච්ඡා කර, මේ සම්බන්ධයෙන් පුළුල් පරීක්ෂණයක් කඩිනමින් ආරම්භ කරන බවත්, වරදකරු වුවහොත් ක්රීඩකයාට එරෙහිව දැඩි පියවර ගන්නා බවත්, ශ්රී ලංකා ක්රිකට් ආයතනය කියා සිටියා.
ධනුෂ්ක ගුණතිලක මෙවර 20යි 20 ලෝක කුසලාන තරගාවලිය අතරතුර දී ආබාධයකට ද ලක් වූ අතර, ඔහු වෙනුවට අශේන් බණ්ඩාර සංචිතයට ආදේශ කිරීමට පියවර ගෙන තිබුණා.
කෙසේ වෙතත්, ධනුෂ්කව මෙරටට නොයවා තවදුරටත් සංචිතයේ සෙසු ක්රීඩකයින් සමග අමතර ක්රීඩකයෙකු ලෙස රදවා ගැනීමටයි කණ්ඩායම් කළමණාකාරීත්වය පියවර ගෙන තිබුණේ.
