ශ්රී ලංකා වේග පන්දු යවන ක්රීඩක කසුන් රාජිත මෙවර පන්දුවාර 20යි 20 ලෝක කුසලාන ක්රිකට් තරගාවලිය සදහා වන ශ්රී ලංකා සංචිතයට නම් කර තිබෙනවා.
ඒ, ආබාධයකට ලක් වූ වේග පන්දු යවන ක්රීඩක දුෂ්මන්ත චමීර වෙනුවටයි.
එක්සත් අරාබි එමීර් රාජ්ය කණ්ඩායම සමග ඊයේ පළමු වටය යටතේ පැවැති තරගයේ දී පන්දු යවමින් සිටියදී චමීරගේ පාදයක ආබාධයක් සිදු වූ අතර, ඒ හේතුවෙනුයි ඔහුට තරගාවලියෙන් ඉවත් වීමට මේ වන විට සිදුව ඇත්තේ.
කෙසේ වෙතත්, මෙම ආදේශ කිරීමට අයි.සී.සී තරගාවලි තාක්ෂණික කමිටුවේ අනුමැතිය මෙතෙක් හිමිව නැහැ.
ශ්රී ලංකා සංචිතය සමග එක්වීමේ අරමුණින් කසුන් රාජිත කඩිනමින් ඔස්ට්රේලියාව බලා පිටත්ව යාමට නියමිතයි.
මේ අතර, වේග පන්දු යවන ක්රීඩක අසිත ප්රනාන්දු ද අතිරේක ක්රීඩකයෙකු ලෙස ඕස්ට්රේලියාව වෙත පිටත් කර හැරීමට බොහෝ විට ශ්රී ලංකා ක්රිකට් ආයතනය කටයුතු කරනු ඇති.
මෙම තරගාවලිය ආරම්භ වීමටත් පෙර ආබාධයක් හේතුවෙන් වමත් වේග පන්දු යවන ක්රීඩක ඩිල්ෂාන් මදුෂංකට ලෝක කුසලාන තරගාවලියෙන් ඉවත් වීමට සිදු වූ අතර, ඔහු වෙනුවට සංචිතයට ආදේශ කෙරුණු බිනුර ප්රනාන්දු මේ වන විටත් ශ්රී ලංකා සංචිතය සමග එක්ව සිටිනවා.
මැදපෙල පිතිකරු ධනුෂ්ක ගුණතිලක හා වේග පන්දු යවන ක්රීඩක ප්රමෝද් මදුෂාන් ද ආබාධවලට ලක්ව ඇතත්, අද පැවැති මාධ්ය හමුවකදී ශ්රී ලංකා නායක දසුන් ශානක සදහන් කළේ වෛද්ය වාර්තා ලැබෙන තුරු ඔවුන්ගේ තත්ත්වය සම්බන්ධයෙන් කිසිවක් නිශ්චිතව ප්රකාශ කළ නොහැකි බවයි.
