පාකිස්තානය සමග පැවැති තරග 7 කින් යුත් පන්දුවාර 20යි 20 ක්රිකට් තරගාවලිය තරග 4-3 ක් ලෙස ජය ගැනීමට සංචාරක එංගලන්ත කණ්ඩායම ඊයේ (2) රාත්රියේ සමත් වුණා.
ඒ, දෙරට අතර පැවැති 7 වැනි හා අවසන් 20යි 20 තරගයෙන් එංගලන්තය ලකුණු 67 ක ජයක් වාර්තා කිරීමත් සමගයි.
තරගයේ පළමුවෙන් පන්දුවට පහරදුන් එංගලන්තය කඩුලු 3 ක් දැවී ලකුණු 209 ක් රැස් කළේ කාසියේ වාසිය දිනූ පාකිස්තානයේ ආරාධනයෙන්.
ඩේවිඩ් මලාන් නොදැවී ලකුණු 78 (47) ක් රැස් කළ අතර, හැරී බෘෘක් නොදැවී ලකුණු 46(29) යි. බෙන් ඩකට් ලකුණු 30(19) කට දැවී ගියා.
පන්දු යැවීමේ චී මොහමඩ් හස්නයින් එක් කඩුල්ලක් දවා ගත් අතර, සෙසු කඩුලු දෙකම දැවී ගියේ දුවද්දී දැවී යාම් ලෙසයි.
පිළිතුරු ඉනිම ක්රීඩා කළ පාකිස්තානයට පන්දුවාර 20 තුළ කඩුලු 8 ක් දැවී ලබා ගත හැකි වූයේ ලකුණු 142 ක් පමණයි.
ශාන් මසූඩ් ලකුණු 56(43) ක් ද, කුෂ්දිල් ශාහ් ලකුණු 27(25) ක් ද, ඉෆ්ටිකාර් අහ්මඩ් ලකුණු 19(16) ක් ද රැස් කළ අතර, සෙසු කිසිදු පිතිකරුවෙකු ලකුණු 10 සීමාව පසු කළේ නැහැ.
පන්දු යැවීමේ දී ක්රිස් වෝක්ස් ලකුණු 26 කට කඩුලු 3 ක් දවා ගත්තා. ඩේවිඩ් විලී ලකුණු 22 කට බිද හෙලූ කඩුලු ගණන 2ක්.
