දකුණු අප්රිකාව සමග පැවැත්වෙන තරග 3 කින් යුත් පන්දුවාර 20යි 20 ක්රිකට් තරගාවලියේ දෙවැනි තරගයෙන් ලකුණු 16ක විශිෂ්ඨ ජයක් වාර්තා කරමින් තරගාවලිය එක් තරගයක් ඉතිරිව තිබියදීම ජය ගැනීමට ඉන්දීය කණ්ඩායම අද(2) සමත් වුණා.
ගුවහාටි හී දී පැවැති තරගය ජය ගැනීම සදහා ලකුණු 238 ක දැවැන්ත ඉලක්කයක් හඹා ගිය දකුණු අප්රිකාවට නියමිත පන්දුවාර 20 තුළ කඩුලු 3 ක් දැවී ලබා ගත හැකි වූයේ ලකුණු 221 ක් පමණයි.
ක්වෙන්ටන් ඩී කොක් පන්දු 48 කින් නොදැවී ලකුණු 69 ක් රැස් කළ අතර, සුපිරි ශතකයක් වාර්තා කළ ඩේවිඩ් මිලර් පන්දු 47 කින් නොදැවී ලකුණු 106 ක් ලබා ගත්තා.
ඔවුන් දෙදෙනා අතර සිව්වැනි කඩුල්ල සදහා පන්දු 84 කින් ගොඩ නැගුණු සම්බන්ධතාවය ලකුණු 174ක්.
තරගයේ කාසියේ වාසිය දිනූ දකුණු අප්රිකාව පළමුවෙන් පන්දු රැකීමටයි තීරණය කළේ.
එම තීරණයට ප්රබල පිළිතුරක් ලබා දුන් ඉන්දීය පිතිකරුවන් නියමිත පන්දුවාර 20 තුළ කඩුලු 3 ක් දැවී ලබා ගත් ලකුණු සංඛ්යාව 237 ක්.
ආරම්භක පිතිකරුවන් වූ කේ.එල් රාහුල් ලකුණු 57ක් හා රෝහිට් ෂර්මා ලකුණු 43 ක් රැස් කළා.
සුපිරි ඉනිමක් ක්රීඩා කළ සූර්යකුමාර් යාදව් පන්දු 22 කින් ලකුණු 61 ක් වාර්තා කළේ හයේ පහර හා හතරේ පහර 5 බැගින් එල්ල කරමින්.
විරාට් කෝලි නොදැවී ලකුණු 49 (28) ක් ද, දිනේෂ් කාර්තික් නොදැවී ලකුණු 17 (7) ක් ද ලබා ගත්තා.
පන්දු යැවීමේ දී කේෂාව් මහරාජ් ලකුණු 23 කට කඩුලු 2 ක් දවා ගත්තා.
— cric sl (@cricslvideo) October 2, 2022
The SKY show is on in Guwahati! ⚡️ ⚡️
And here are some snippets of it 🔽 #TeamIndia
Don’t miss the LIVE coverage of the #INDvSA match on @StarSportsIndia | @surya_14kumar pic.twitter.com/vTSWeSJNkH
— BCCI (@BCCI) October 2, 2022
