මුම්බායි ඉන්දියන්ස් කණ්ඩායමේ නව ප්රධාන පුහුණුකරු ලෙස දකුණු අප්රිකානු හිටපු ක්රිකට් ක්රීඩක මාර්ක් බවුචර් පත් කර තිබෙනවා.
ඒ, මෙතෙක් මුම්බායි පිලේ ප්රධාන පුහුණුකරු ලෙස කටයුතු කළ මහේල ජයවර්ධන එම ධූරයෙන් ඉවත් වීම හේතුවෙන්.
මහේල ජයවර්ධන එම් අයි සමූහයේ කාර්යය සාධනය පිළිබඳ ගෝලීය ප්රධානියා (Global Head of Performance) ලෙස පත් කිරීම හේතුවෙනුයි මහේල එම ධූරයෙන් ඉවත් වුණේ.
මාර්ක් බවුචර් මේ වන විට දකුණු අප්රිකා ජාතික කණ්ඩායමේ ප්රධාන පුහුණුකරු ලෙස කටයුතු කරන අතර, එළඹෙන පන්දුවාර 20යි 20 ලෝක කුසලාන ක්රිකට් තරගාවලියෙන් පසුව තමා එම ධූරයෙන් ඉවත් වන බව ඔහු සදහන් කර තිබෙනවා.
2019 වසරේ දෙසැම්බර් මාසයේ සිට මාර්ක් බවුචර් දකුණු අප්රිකා ජාතික කණ්ඩායමේ ප්රධාන පුහුණුකරු ලෙස කටයුතු කරනවා.
ඔහුගේ ගිවිසුම් කාලය ලබන වසරේ පැවැත්වීමට නියමිත එක්දින ලෝක කුසලාන ක්රිකට් තරගාවලිය දක්වා වලංගු වුව ද, එංගලන්තයට එරෙහිව ලන්ඩන් නුවර ‘ද ඕවල්’ ක්රීඩාංගනයේ පැවැති තෙවැනි ටෙස්ට් තරගයෙන් දකුණු අප්රිකාව පරාජයට පත් වීමෙන් පසුව ඔහු ප්රධාන පුහුණුකරු ධූරයෙන් ඉවත් වීමේ සිය තීරණය දකුණු අප්රිකා කණ්ඩායම වෙත දැනුම් දී තිබුණා.
ඒ අනුව 2023 වසරේ සිට ඉන්දීය ප්රිමියර් ලීග් තරගාවලියේ දී මාර්ක් බවුචර් මුම්බායි ඉන්දියන්ස් කණ්ඩායමේ ප්රධාන පුහුණුකරු ලෙස කටයුතු කිරීමට නියමිතයි.
