මෙවර ආසියානු කුසලාන පන්දුවාර 20යි 20 ක්රිකට් තරගාවලිය සදහා වන සුදුසුකම් ලබා ගැනීමේ තරගාවලියේ පළමු තරගයෙන් ජය වාර්තා කිරීමට හොංකොං කණ්ඩායම ඊයේ(20) රාත්රියේ සමත් වුණා.
මෙම සුදුසුකම් ලබා ගැනීමේ තරගාවලිය ඕමානයේ දී පැවැත්වෙන අතර, පළමු තරගයේ දී හොංකොං කණ්ඩායම හමුවේ ලකුණු 8කින් පරාජයට පත් වූයේ සිංගප්පූරු කණ්ඩායමයි.
තරගයේ පළමුව පන්දුවට පහරදුන් හොංකොං කණ්ඩායම කඩුලු 9 ක් දැවී රැස් කළ ලකුණු සංඛ්යාව 148 ක්.
පිළිතුරු ඉනිම ක්රීඩා කළ සිංගප්පූරුවට කඩුලු 7ක් දැවී නියමිත පන්දුවාර 20 අවසානයේ දී ලබා ගත හැකි වූයේ ලකුණු 140 ක් පමණයි.
සුදුසුකම් ලැබීමේ තරගාවලිය සදහා හොංකොං, කුවේට්, සිංගප්පූරුව හා එක්සත් අරාබි එමීර් රාජ්ය යන රටවල් තරග කරන අතර, තරගාවලියේ පළමු ස්ථානය දිනා ගන්නා කණ්ඩායම එළඹෙන 27 වැනිදා එක්සත් අරාබි එමීර් රාජ්යයේ දී ආරම්භ වන ආසියානු කුසලාන තරගාවලිය සදහා සුදුසුකම් ලැබීමට නියමිතයි.
සුදුසුකම් ලැබීමේ තරගාවලියේ දෙවැනි තරගය අද පැවැත්වෙන්නේ එක්සත් අරාබි එමීර් රාජ්ය කණ්ඩායම හා කුවේට් කණ්ඩායම අතරයි.
