ඉන්දීය ක්රිකට් කණ්ඩායම ලබන අගෝස්තු මාසයේ දී අමෙරිකා එක්සත් ජනපදයේ දී 20යි 20 තරග දෙකක් ක්රීඩා කිරීමට නියමිතව ඇති බව ඉන්දීය ක්රීඩා මාධ්ය වාර්තා කරනවා.
බටහිර ඉන්දීය කොදෙව් කණ්ඩායමට එරෙහි එක්දින තරග 3කින් හා 20යි 20 තරග 5කින් යුත් සීමිත පන්දුවාර තරග සංචාරයේ අවසන් 20යි 20 තරග දෙක මෙලෙස අමෙරිකාවේ දී පැවැත්වීමටයි සැලසුම් කර ඇත්තේ.
එංගලන්තයේ දී ටෙස්ට් තරගයකට හා සීමිත පන්දුවාර තරග 6කට ක්රීඩා කිරීමෙන් අනතුරුව ඉන්දීය කණ්ඩායම කොදෙව් දූපත් බලා පිටත්ව යාමට නියමිතව ඇති බව සදහන්.
ඉන්දීය කණ්ඩායමේ කොදෙව් තරග සංචාරයේ තරග කාලසටහන මෙතෙන් නිල වශයෙන් නිවේදනය කර නැහැ.
ඉන්දියාවට එරෙහි තරගවලින් පසුව කොදෙව් ක්රීඩකයින් කැරිබියන් ප්රිමියර් ලීග් තරගාවලිය සදහා එක්වීමට නියමිතයි.
