ඉන්දීය ප්රිමියර් ලීග් තරගාවලිය යටතේ රාජස්ථාන් රෝයල්ස් කණ්ඩායම සහ රෝයල් චැලෙන්ජර්ස් බැංගලෝර් කණ්ඩායම අතර අද (29) පැවති තරගයේදී විශිෂ්ඨ අන්දමේ පන්දු රැකීමක් ප්රදර්ශනය කරමින් විරාට් කෝලිව දුවද්දී දවා ගැනීමකට හසු කර ගැනීමට රාජස්ථාන් කණ්ඩායමේ රියාම් පරාග් සමත් වුණා.
පන්දු 20 කදි හතරේ පහරවල් 4 ක් සමගින් ලකුණු 25 ක් ලබා සාර්ථක ආරම්භයක් ලබා ගැනීමට කෝලි මෙම ඉනිමේ දී සමත් වූ නමුත්, එය දිගු ඉනිමක් කරා ඉදිරියට රැගෙන යාමට හැකියාව ලැබුණේ නැහෑ.
ඉනිමේ 7 වන පන්දුවාරයේ ක්රිස් මොරිස් යොමු කළ 5 වන පන්දුවට පොයින්ට් දෙසට පහරක් එල්ල කිරීමට කෝලි සමත් වුණා.
අනතුරුව එක් ලකුණක් ලබා ගැනීමට කෝලි වේගයෙන් කඩුලු අතර දිව ගියත්, පන්දු රකිමින් සිටි රියාම් පරාග් පන්දුව රැගෙන කෙලින්ම කඩුල්ල දෙසට යොමු කළේ විරාට් කෝලිගේ කඩුල්ල සිය කණ්ඩායමට හිමි කර දෙමින්.
ඊට පන්දු දෙකකට පෙර කෝලි ලබා දුන් තරමක අපහසු උඩ පන්දුවක් ද රියාන් පරාග් අතින් ගිලිහී ගොස් තිබූ පසුබිමකයි ඔහු මෙම දුවද්දී දවා ගැනීම සිදු කළේ.
