එංගලන්ත ආරම්භක පිතිකරු ජොනී බෙයාර්ස්ටව් දකුණු පාදයේ ආබාධයකට ලක්ව තිබෙනවා.
ඒ, එංගලන්ත ප්රාන්ත 20යි 20 තරගාවලිය යටතේ ඊයේ(16) පැවැති යෝක්ෂයර් කණ්ඩායම සහ වෝර්සෙස්ටර්ෂයර් කණ්ඩායම අතර තරගයේ දී යි.
වෝර්සෙස්ටර්හි පැවැති තරගයේ පළමුවෙන් පන්දුවට පහරදුන් යෝක්ෂයර් කණ්ඩායම කඩුලු 6ක් දැවී ලකුණු 216ක් ලබා ගැනීමට සමත් වුණේ ජොනී බෙයාර්ස්ටව් පන්දු 48කින් වාර්තා කළ සුපිරි ශතකයෙන් සවිමත් වෙමින්.
ඔහු පන්දු 51කින් ලකුණු 112ක් ලබා ගත්තේ හයේ පහර 10ක් සහ හතරේ පහර 7ක් සමගින්.
කෙසේ වෙතත්, ඔහුගේ ඉනිම අතරමගදී ජොනී බෙයාර්ස්ටව් පාදයේ ආබාධයකට ලක් වූ අතර, ඒ හේතුවෙන් ඔහු වෙනුවට වෙනත් පිතිකරුවෙකු කඩුලු අතර දිව යාම සදහා යොදා ගැනීමට ද සිදු වුණා.
මෙම තරගයේ පිළිතුරු ඉනිම ක්රීඩා කළ වෝර්සෙස්ටර්ෂයර් කණ්ඩායමට පන්දුවාර 16.3ක් අවසානයේ සියලු දෙනා දැවී රැස් කර ගත හැකි වූයේ ලකුණු 122ක් පමණයි.
එම ඉනිමේ දී කඩුලු රැකීම සදහා ද ජොනී බෙයාර්ස්ටව් පිටියට පිවිසියේ නැහැ.
ඒ අනුව ලබන සතියේ දී ශ්රී ලංකාවට එරෙහිව ආරම්භ වන 20යි 20 තරගාවලිය සදහා ඔහුගේ සහභාගීත්වය ද මේ වන විට අවිනිශ්චිත වී තිබෙනවා.
