රාජස්ථාන් රෝයල්ස් කණ්ඩායමේ වේග පන්දු යැවීමේ පුහුණුකරු ලෙස ශ්රී ලංකා හිටපු වේග පන්දු යවන ක්රීඩක ලසිත් මාලිංග පත් කර තිබෙනවා.
ඒ අනුව ඔහු රාජස්ථාන් කණ්ඩායමේ ප්රධාන පුහුණුකරු හා ක්රිකට් අධ්යක්ෂ ශ්රී ලංකා හිටපු ක්රිකට් නායකයෙකු වන කුමාර් සංගක්කාර සමග මෙවර අයි.පී.එල් තරග වාරයේදී එක්ව කටයුතු කිරීමට නියමිතයි.
ඔහු ශ්රී ලංකා කණ්ඩායමේ නිමා වූ ඕස්ට්රේලියානු තරග සංචාරයේදී ශ්රී ලංකා කණ්ඩායමේ පන්දු යැවීමේ උපාය මාර්ගික පුහුණුකරු (Bowling Strategy Coach) ලෙස ද කටයුතු කළා.
අයි.පී.එල් තරගාවලි ඉතිහාසයේ වැඩිම කඩුලු ලාභියා වන ඔහු මුම්බායි ඉන්දියන්ස් කණ්ඩායම නියෝජනය කරමින් බිද හෙලූ අයි.පී.එල් කඩුලු ගණන 170ක්.
2018 වසරේ දී ලසිත් මාලිංග මුම්බායි කණ්ඩායමේ පන්දු යැවීමේ උපදේශක ලෙස ද කටයුතු කළා.
