කොල්කටා නයිට් රයිඩර්ස් කණ්ඩායම විසින් මෙවර ඉන්දීය ප්රිමියර් ලීග් තරගාවලිය වෙනුවෙන් ඔස්ට්රේලියානු පිතිකරු ආරෝන් ෆින්ච් සමග ගිවිසුම් ගතව තිබෙනවා.
ඒ, එම කණ්ඩායම නියෝජනය කිරීමට නියමිතව සිටි එංගලන්තයේ ඇලේක්ස් හේල්ස් මෙවර තරගාවලියෙන් ඉවත් වීමට තීරණය කිරීම හේතුවෙන්.
ජෛව ආරක්ෂිත බුබුලු තුළ රැදී සිටීමේ දුෂ්කරතාවය පදනම් කර ගනිමිනුයි ඇලෙක්ස් හේල්ස් අයි.පී.එල් තරගාවලියෙන් ඉවත් වීමට තීරණය කර ඇත්තේ.
ලෝක 20යි 20 ශූර ඔස්ට්රේලියානු කණ්ඩායමේ නායකයා වන ආරෝන් ෆින්ච් ජාත්යන්තර 20යි 20 තරග 88ක් ක්රීඩා කර ඇති අතර, එහිදී ශතක දෙකක් ද සමගින් ලබා ඇති ලකුණු සංඛ්යාව 2,686 ක්.
ෆින්ච් මීට පෙර අයි.පී.එල් තරග 87ක් ද ක්රීඩා කර තිබෙනවා. එහිදී ඔහු රැස් කර ඇති ලකුණු සංඛ්යාව 2,000 ඉක්මවනවා.
ඔහු මෙවර තරග වාරය වෙනුවෙන් කොල්කටා කණ්ඩායම සමග ගිවිසුම් ගතව ඇත්තේ ඉන්දීය රුපියල් කෝටි 1.5 ක මුදලකටයි.
මීට පෙර ගුජරාට් ටයිටන්ස් කණ්ඩායම නියෝජනය කිරීමට නියමිතව සිටි එංගලන්තයේ ජේසන් රෝයි ද මෙවර අයි.පී.එල් තරගාවලියෙන් ඉවත් වීමට තීරණය කළා.
ඔහු වෙනුවට රහ්මනුල්ලාහ් ගුර්බාස් සිය සංචිතයට ආදේශ කිරීමටයි ටයිටන්ස් කණ්ඩායම පියවර ගත්තේ.
මෙවර අයි.පී.එල් තරග වාරය ලබන 26 වනදා ආරම්භ වන අතර, පළමු තරගය පැවැත්වෙන්නේ කොල්කටා නයිට් රයිඩර්ස් කණ්ඩායම හා චෙන්නායි සුපර් කිංග්ස් කණ්ඩායම අතරයි.
