සංචාරක නේපාල කණ්ඩායම සමග පැවැති පුහුණු එක්දින ක්රිකට් තරගයෙන් ලකුණු 92ක ජයක් වාර්තා කිරීමට ශ්රී ලංකා ඒකාබද්ධ කණ්ඩායම (SL Combine XI ) අද(11) සමත් වුණා.
කටුනායක පැවැති තරගයේ කාසියේ වාසිය දිනූ ශ්රී ලංකා ඒකාබද්ධ කණ්ඩායම පළමුවෙන් පන්දුවට පහර දීමටයි තීරණය කළේ.
ඒ අනුව ඔවුන් පන්දුවාර 48.2 ක් තුළ සියලු දෙනා දැවී ලබා ගත් ලකුණු සංඛ්යාව 232 ක්.
අනුක් ප්රනාන්දු ලකුණු 56(69) ක් හා සඳුන් වීරක්කොඩි ලකුණු 49(48) ක් රැස් කළා.
ඩිල්ශාන් මුණවීර ලකුණු 14(26) කටත්, උපුල් තරංග ලකුණු 3(11) කටත්, නායක තිසර පෙරේරා ලකුණු 8(13) කටත්, චාමර සිල්වා ලකුණු 6(10) කටත් දැවී ගියා.
සීක්කුගේ ප්රසන්න ලකුණු 12(25) ක් ද, රමේෂ් නිමන්ත ලකුණු 18(37) ක් ද ලබා ගත්තා. දිල්රුවන් පෙරේරා රැස් කළේ ලකුණු 14(27) ක් පමණයි.
පන්දු යැවීමේදී නේපාල කණ්ඩායම වෙනුවෙන් D.S. Airee සහ S. Dhakal කඩුලු 3 බැගින් බිඳ හෙලීමට සමත් වුණා.
S. Kami කඩුලු 2 ක් දවා ගත් අතර, නායක සංදීප් ලමිචානේ සහ ඒ. ෂෙයික් අතරේ එක් කඩුල්ල බැගින් බෙදී ගියා.
පිළිතුරු ඉනිම ක්රීඩා කළ නේපාලය පන්දුවාර 35.2ක් අවසානයේ සියලු දෙනා දැවී රැස් කළේ ලකුණු 140ක් පමණයි.
Gyanendra Malla ලකුණු 46ක් හා Kushal Bhurtel ලකුණු 32ක් ලබා ගත්තා.
පන්දු යැවීමේ දී එස්. දක්ෂින කඩුලු 3ක් බිද හෙලූ අතර, දිල්ෂාන් මුණවීර කඩුලු 2ක් දවා ගත්තා.
