බංග්ලාදේශ ප්රිමියර් ලීග් (බී.පී.එල්) ක්රිකට් තරගාවලියේ මීළග අදියර ලබන වසරේ දී පැවැත්වීම සම්බන්ධයෙන් ගැටලුකාරී තත්ත්වයක් මතුව ඇති බව එරට ක්රිකට් ආයතනයේ සභාපති නස්මුල් හසාන් පවසනවා.
2024 ජනවාරි මාසයේ පැවැත්වීමට නියමිත බංග්ලාදේශ මහමැතිවරණය හේතුවෙනුයි මෙම ගැටලුකාරී වාතාවරණය උද්ගතව ඇත්තේ.
2024 බී.පී.එල් තරගාවලිය ජනවාරි 6 වැනිදා සිට පෙබරවාරි 17 වැනිදා දක්වා පැවැත්වෙන බව මීට පෙර නිවේදනය කර තිබුණා.
කෙසේ වෙතත්, එම කාලයේ දී ඔස්ට්රේලියාවේ පැවැත්වෙන බිග් බෑෂ් ලීග්, දකුණු අප්රිකාවේ පැවැත්වෙන SA20 හා එක්සත් අරාබි එමීර් රාජ්යයේ පැවැත්වෙන ILT20 තරගාවලි හේතුවෙන් විදෙස් ක්රීඩකයින් බී.පී.එල් තරගාවලියට සම්බන්ධ කර ගැනීමේ දුෂ්කරතාවයකට ද බංග්ලාදේශ ක්රිකට් ආයතනය මුහුණ දී සිටිනවා.
ඒ හේතුවෙන් 2024 තරගාවලියේ දින සංශෝදනයක් විය හැකි බවටයි එරට ක්රිකට් බළධාරීන් පෙන්වා දෙන්නේ.
පැවැත්වීමට නියමිත මහමැතිවරණය හා ආරක්ෂක හේතූන් මත බී.පී.එල් තරගාවලිය කොටස් දෙකක් ලෙස පැවැත්වීමට සිදු වන බව ද එරට ක්රිකට් ආයතනයේ සභාපතිවරයා සදහන් කළා.
මේ අතර, පෙබරවාරි 20 වැනිදා පමණ වන විට බංග්ලාදේශ කණ්ඩායමේ මීළග ප්රධාන පුහුණුකරු පත් කිරීමට අපේක්ෂාවෙන් පසුවන බව නස්මුල් හසාන් මාධ්ය හමුවේ වැඩිදුරටත් සදහන් කර සිටියා.
රසල් ඩොමින්ගෝ ධූරයෙන් ඉවත් වූ බැවින් මාර්තු පළමු වැනිදා සිට එංගලන්තයට එරෙහිව ආරම්භ වීමට නියමිත තරගාවලියන්ට පෙර නව ප්රධාන පුහුණුකරුවෙකු පත් කිරීමට බංග්ලාදේශ ක්රිකට් ආයතනයට සිදුව තිබෙනවා.
