ICC ලෝක ටෙස්ට් ශූරතාවලියේ නවතම ප්රසාද ලකුණු සටහනට අනුව පාකිස්තානය හා එංගලන්තය අභිබවා ඉදිරියට පැමිණීමට බංග්ලාදේශයට හැකි වී තිබෙනවා.
තරග 3 කින් එක් තරගයක් ජය ගෙන ඇති බංග්ලාදේශය එක් තරගයක් පරාජයට පත් වූ අතර, තවත් තරගයක් ජය පරාජයෙන් තොරව අවසන් කර ගැනීමට බංග්ලාදේශයට හැකි වුණා.
සංචාරක පාකිස්තානය පරදා ලැබූ ඓතිහාසික ටෙස්ට් තරග ජයෙන් පසුවයි බංග්ලාදේශය මෙලෙස ප්රසාද ලකුණු සටහනේ 6 වැනි ස්ථානය දක්වා ඉදිරියට පැමිණිමට සමත්ව ඇත්තේ.
මීර්පූර්හි පැවැති ටෙස්ට් තරගයෙන් ඔවුන් ලකුණු 104 ක ජයක් වාර්තා කළ අතර, එය ඔවුන් පාකිස්තානයට එරෙහිව සිය රටේදී ලැබූ පළමු ටෙස්ට් ජයයි.
මේ වන විට දෙරට අතර අවසන් වරට පවත්වා ඇති ටෙස්ට් තරග තුනම ජය ගැනීමට සමත්ව ඇත්තේ ද බංග්ලාදේශය වීම විශේෂත්වයක්.
මේ අතර, ශ්රී ලංකාව ප්රසාද ලකුණු සටහනේ තවදුරටත් රැදී සිටින්නේ සිව්වැනි ස්ථානයේයි.
