ධනංජය ද සිල්වා එක්දින සංචිතයට ඇතුළත් නොවීමත් සමග පුරප්පාඩු වන අංක 6 ස්ථානය සදහා ක්රීඩා කිරීමට මේ වන විට පිතිකරුවන් තිදෙනෙකු අතර සටනක් පවතින බව ශ්රී ලංකා නායක කුසල් මෙන්ඩිස් පවසනවා.
අද (6) සිම්බාබ්වේ කණ්ඩායම සමග ආරම්භ වීමට නියමිත එක්දින ක්රිකට් තරගාවලිය සම්බන්ධයෙන් අදහස් දක්වමින් මෙන්ඩිස් සදහන් කළේ සහන් ආරච්චිගේ, නුවනිදු ප්රනාන්දු හා ජනිත් ලියනගේ වැනි ක්රීඩකයින් එම ස්ථානය වෙනුවෙන් සලකා බලන බවයි.
තණතීරුව ද නිරීක්ෂණය කිරීමෙන් අනතුරුව අංක 6 ස්ථානය වෙනුවෙන් ක්රීඩා කරන ක්රීඩකයා තෝරා ගන්නා බව ශ්රී ලංකා නායකයා කියා සිටියා. (දර්ශන පහතින්)
මේ අතර, ආබාධයකට ලක්ව සිට සුවය ලැබූ වනිදු හසරංග පළමු තරගය සදහා ක්රීඩා නොකරන බව කුසල් මෙන්ඩිස් ද මෙම මාධ්ය හමුවේ දී තහවුරු කළා.
