මෙවර ආසියානු කුසලාන පන්දුවාර 20යි 20 ක්රිකට් තරගාවලිය අද (27) එක්සත් අරාබි එමීර් රාජ්යයේ දී ආරම්භ වනවා.
පළමු තරගය තරගාවලියේ සත්කාරක අයිතිය හිමි ශ්රී ලංකාව හා ඇෆ්ඝනිස්තානය අතර B කාණ්ඩයේ තරගයක් ලෙස පැවැත්වීමට නියමිතයි.
එම තරගය මෙරට වේලාවෙන් රාත්රී 7.30ට ආරම්භ වන්නේ ඩුබායි ක්රීඩාංගනයේ දී යි.
ඇෆ්ඝනිස්තානය සමග අද පැවැත්වීමට නියමිත තරගය සම්බන්ධයෙන් දැනුවත් කිරීම සදහා සිකුරාදා(26) පැවැති මාධ්ය හමුවකදී අදහස් දක්වමින් ශ්රී ලංකා නායක දසුන් ශානක සදහන් කළේ ශ්රී ලංකා කණ්ඩායමේ පිතිකරණ අනුපිළිවෙලෙහි යම් වෙනසක් සිදු විය හැකි බවයි.
කෙසේ වෙතත්, නිමා වූ තරග සදහා යොදා ගත් කණ්ඩායමේ සංයුතියම මෙම තරගය සදහා ද යොදා ගන්නා බව ද ඔහු කියා සිටියා.
තුන් ඉරියව් ක්රීඩක චාමික කරුණාරත්න සමග තවත් ප්රධාන වේග පන්දු යවන්නන් දෙදෙනෙකු අද තරගය සදහා ක්රීඩා කරන බවයි දසුන් අවධාරණය කළේ.
ප්රධාන වේග පන්දු යවන්නන් කිහිපදෙනෙකුම සංචිතයට ඇතුළත්ව නොමැති බැවින් ප්රමෝද් මදුෂාන් හා මතීෂ පතිරණ යන වේග පන්දු යවන්නන් දෙදෙනාගෙන් එක් අයෙකුට ද අද තරගය සදහා ක්රීඩා කිරීමට අවස්ථාවක් පවතින බව ශ්රී ලංකා නායකයා තහවුරු කළා.
වනිදු හසරංග සමගින් මහීෂ් තීක්ෂණ ප්රධාන දග පන්දු යවන්නන් දෙදෙනා ලෙස ක්රීඩා කරනු ඇති.
දර්ශන පහතින් –
