මෙවර T 10 ලීග් ක්රිකට් තරගාවලියේ දී අබුඩාබි කණ්ඩායම නියෝජනය කරන කොදෙව් සුපිරි පිතිකරු ක්රිස් ගේල් T 10 ඉතිහාසයේ වේගවත්ම අර්ධ ශතකයේ වාර්තාව සම කිරීමට ඊයේ(3) සමත් වූ බව අප ඔබට මීට පෙර වාර්තා කළා.
ඒ, මරාත ඇරබියන්ස් කණ්ඩායමට එරෙහි තරගයේ දී පන්දු 12කින් සිය අර්ධ ශතකය වාර්තා කරමින්.
මෙම තරගයෙන් අනතුරුව ක්රිස් ගේල් විසින් ශ්රී ලංකා හිටපු නායක කුමාර් සංගක්කාරට විශේෂ ස්තූතියක් ද පුද කර සිටියා.
මෙවර තරගාවලියේ දී අබුඩාබි කණ්ඩායමේ උපදේශක ලෙස කටයුතු කරන්නේ කුමාර් සංගක්කාරයි.
තමා පිතිකරණය සදහා පිටව යාමට පෙර සංගක්කාරගෙන් තමාට වැදගත් උපදෙස් ලැබුණු බවත්, එය සිය දක්ෂතා වර්ධනය කර ගැනීම සදහා උපකාරී වූ බවත් ක්රිස් ගේල් කියා සිටියා.
“ඉගෙන ගැනීම අපි කවදාවත් නතර කරන්නේ නැහැ. සංගා, ඔයා තමයි පුද්ගලයා. ඔයා පුරාවෘත්තයක්” යනුවෙන් ඔහු සදහන් කළා. (දර්ශන පහතින්)
“We never stop learning. Sanga, you’re the man, you’re a legend” 🙌@henrygayle thanks Team Abu Dhabi Mentor @KumarSanga2 for his pep talk before today’s game! #AbuDhabiT10 pic.twitter.com/NPsCXQJ9TJ
— T10 League (@T10League) February 3, 2021
