දකුණු අප්රිකාව සමග පැවැත්වීමට නියමිත දෙවැනි ටෙස්ට් ක්රිකට් තරගය ක්රීඩා කිරීම් අවස්ථාව නවසීලන්ත පිතිකරු ඩැරල් මිචෙල්ට අහිමි වී තිබෙනවා.
ඒ, ඔහු දීර්ඝ කාලයක් පුරා පීඩා විදිමින් සිටින පාදයක ආබාධයක් සුව කර ගැනීම සදහා අවශ්ය විවේකය ඔහුට ලබා දීම හේතුවෙන්.
ඒ අනුව දෙවැනි ටෙස්ට් තරගයට අමතරව ඔහුට ඔස්ට්රේලියාව සමග පැවැත්වීමට නියමිත 20යි 20 තරගාවලිය ද අහිමි වන බව සදහන්.
ඩැරල් මිචෙල් මාස හයක හෝ හතක පමණ කාලයක් මෙම ආබාධයෙන් පීඩා විදිමින් සිටින බවයි විදෙස් ක්රීඩා මාධ්ය වාර්තා කර ඇත්තේ.
දකුණු අප්රිකාවට එරෙහි අවසන් ටෙස්ට් තරගය හා ඔස්ට්රේලියාවට එරෙහි 20යි 20 තරගාවලිය අහිමි වුවද, ඔස්ට්රේලියාව සමග පැවැත්වීමට නියමිත තරග දෙකකින් යුත් ටෙස්ට් තරගාවලිය සදහා ක්රීඩා කිරීමට ඔහුට හැකි වනු ඇති බවට අපේක්ෂා කෙරෙනවා.
මිචෙල් දෙවැනි ටෙස්ට් තරගයෙන් ඉවත් කර ඇතත්, ඔහු වෙනුවට වෙනත් ක්රීඩකයෙකු දකුණු අප්රිකාවට එරෙහි සංචිතයට ආදේශ කිරීමට පියවර ගෙන නැහැ.
ඒ අනුව විල් යන්ග් බොහෝ විට දෙවැනි ටෙස්ට් තරගයේ දී මිචෙල් වෙනුවට කණ්ඩායමට කැදවීමට ඉඩ පවතිනවා.
