බංග්ලාදේශය සමග හෙට(28) පැවැත්වෙන තෙවන හා අවසන් එක්දින ක්රිකට් තරගය සදහා නිරෝෂන් දික්වැල්ල ක්රීඩා කරනු ඇති බව ශ්රී ලංකා කණ්ඩායමේ පිතිකරණ පුහුණුකරු ග්රාන්ට් ෆ්ලවර් පවසනවා.
අද පැවැති මාධ්ය හමුවකදී ඔහු සදහන් කළේ කඩුලු රැකීමේ කාර්යය ද දික්වැල්ල විසින් මෙම තරගයේ දී සිදු කිරීමට ඉඩ ඇති බවයි.
මෙම තරගාවලියේ දී පිතිකරුවන් දුර්වල දක්ෂතාවයක් දැක්වීමට තාක්ෂණික කරුණුවලට වඩා මානසික කරුණු බලපෑ බවක් දක්නට ලැබෙන බව ද පිතිකරණ පුහුණුකරු පෙන්වා දුන්නා.
පිතිකරුවන් පුහුණුවීම්වලදී නිදහස්ව හොදින් පිතිකරණයේ නිරත වුව ද, තරගයකදී පිටිය මැදට ගිය විට ඔවුන් ඊට වෙනස් වූ ආකාරයකින් පීඩනයක් සහිතව පිතිකරණයේ නිරත වන බවයි ග්රාන්ට් ෆ්ලවර් කියා සිටියේ.’
ශ්රී ලංකා – බංග්ලාදේශ තෙවැනි එක්දින තරගය හෙට දහවල් 12.30ට මීර්පූර්හි ෂරී බංග්ලා ක්රීඩාංගනයේ දී ආරම්භ වීමට නියමිතයි.
