ඉන්දීය ප්රිමියර් ලීග් ක්රිකට් තරගාවලියට සමගාමීව පැවැත්වෙන කාන්තා අභියෝගතා 20යි 20 තරගාවලියේ (Women’s T20 Challenge) මූලික වටයේ තෙවන හා අවසන් තරගයේ දී ද සිය සුපුරුදු ප්රහාරාත්මක ඉනිම දියත් කිරීමට Supernovas කණ්ඩායමේ ආරම්භක පිතිකරු සහ ශ්රී ලංකා නායිකා චමරි අතපත්තු සමත් වුණා.
ඒ, Trailblazers කණ්ඩායමට එරෙහිවයි.
තරගයේ කාසියේ වාසිය දිනූ Supernovas කණ්ඩායම පළමුවෙන් පන්දුවට පහරදීමටයි තීරණය කළේ.
ඒ අනුව Supernovas ඉනිමට විශිෂ්ඨ ආරම්භයක් ලබා දුන් චමරි අතපත්තු සහ ප්රියා පුනියා පළමු කඩුල්ලට ගොඩ නැගූ සබදතාවය ලකුණු 89ක්.
පළමු කඩුල්ල ලෙස ප්රියා පුනියා ලකණු 30කට දැවී ගියා.
පළමු තරගයේ මෙන්ම වේගවත් ඉනිමක් ක්රීඩා කළ චමරි අතපත්තු පන්දු 48කින් ලකුණු 67ක් රැස් කළා.
ඇයගේ ඉනිමට හයේ පහර 4ක් සහ හතරේ පහර 5ක් ඇතුළත්.
චමරි සිය අර්ධ ශතකය වාර්තා කළේ පන්දු 37ක් වැය කරමින්.
ශ්රී ලංකාවේ ශෂිකලා සිරිවර්ධන ද Supernovas කණ්ඩායම නියෝජනය කරනවා.
