සංචාරක ඉන්දීය කණ්ඩායම හා දකුණු අප්රිකා කණ්ඩායම අතර ජොහැනස්බර්ග් හි වොන්ඩරස් ක්රීඩාංගනයේ පැවැත්වෙන දෙවැනි ටෙස්ට් ක්රිකට් තරගයේ දෙවැනි දිනය අද(4) නිමා වුණේ තරගයේ පාලනය කණ්ඩායම් දෙකටම දෝලනය කරමින්.
දිනය නිමා වන විට සිය දෙවැනි ඉනිම ක්රීඩා කරමින් සිටි ඉන්දියාව කඩුලු 2ක් දැවී ලකුණු 85ක් ලබා සිටියා.
චෙටස්වර් පුජාරා නොදැවී ලකුණු 35ක් හා අජින්කෙයා රහානේ නොදැවී ලකුණු 11ක් ලබා කඩුල්ලේ රැදී සිටිනවා.
අද දිනට තරගය ආරම්භ කරන විට එක් කඩුල්ලක් දැවී ලකුණු 35ක් ලබා සිය පළමු ඉනිම ක්රීඩා කරමින් සිටි දකුණු අප්රිකාවට සියලු දෙනා දැවී ලබා ගත හැකි වූයේ ලකුණු 229ක් පමණයි.
මංගල ටෙස්ට් අර්ධ ශතකය වාර්තා කළ කීගන් පීටර්සන් ලකුණු 62කටත්, ටෙම්බා බවුමා ලකුණු 51කටත් දැවී ගියා.
වාර්තාගත පන්දු යැවීමක නිරත වූ ශර්දුල් තාකූර් ලකුණු 61කට කඩුලු 7ක් දවා ගත්තා.
එය ඔහු ටෙස්ට් පිටියේ දී කඩුලු පහේ අවස්ථාවක් දවා ගත් පළමු අවස්ථාව වන අතර, දකුණු අප්රිකාවේ දී ඉන්දියාව වෙනුවෙන් පන්දු යවන්නෙකු ටෙස්ට් තරගයකදී දැක් වූ හොදම පන්දු යැවීමේ දක්ෂතාවය මෙන්ම දකුණු අප්රිකාවට එරෙහිව ඉන්දීය පන්දු යවන්නෙකු දැක් වූ හොදම පන්දු යැවීමේ දක්ෂතාවය ද වනවා.
තරගයේ පළමුවෙන් පන්දුවට පහරදුන් ඉන්දියාව සියලු දෙනා දැවී ලබා ගත්තේ ලකුණු 202ක් පමණයි.
ඒ අනුව ඉන්දියාව මේ වන විට දෙවැනි ඉනිමේ දී ඉදිරියෙන් පසුවන ලකුණු සංඛ්යාව 58ක්.
