ශ්රී ලංකා කාන්තා කණ්ඩායම සමග පැවැති දෙවැනි පන්දුවාර 20යි 20 ක්රිකට් තරගයෙන් කඩුලු 8ක ජයක් වාර්තා කරමින් දෙරට අතර පැවැත්වෙන තරග 3කින් යුත් 20යි 20 තරගාවලිය තරග 2-0 ක් ලෙස පෙරමුණ හිමි කර ගැනීමට නවසීලන්ත කාන්තා කණ්ඩායම අද(10) සමත් වුණා.
කොළඹ පී සරා ඕවල් ක්රීඩාංගනයේ පැවැති තරගයේ කාසියේ වාසිය දිනූ නවසීලන්තයේ ආරාධනයෙන් පළමුව පන්දුවට පහරදුන් ශ්රී ලංකාව නියමිත පන්දුවාර 20 අවසානයේ කඩුලු 6ක් දැවී ලකුණු 118 ක් ලබා ගත්තා.
චමරි අතපත්තු ලකුණු 2 කට දුවද්දී දැවී ගිය අතර, විශ්මි ගුණරත්න ලකුණු 7යි. කවීෂා දිල්හාරි ලකුණු නොලබා දැවී යන විට ශ්රී ලංකා ලකුණු පුවරුව දක්නට ලැබුණේ කඩුලු 3 ක් දැවී ලකුණු 14 ක් ලෙසයි.
අනතුරුව සිව්වැනි කඩුල්ල සදහා ලකුණු 57 (60) ක සම්බන්ධතාවයක් පිහිටුවීමට හර්ෂිතා සමරවික්රම හා හසිනි පෙරේරා සමත් වුණා. හසිනි ලකුණු 33(36) ක් ලබා ගත් අතර, හර්ෂිතා ලකුණු 23(28) කට දැවී ගියා.
නිලක්ෂි ද සිල්වා ලකුණු 22(23) යි. අනුෂ්කා සංජීවනී පන්දු 13 කින් නොදැවී ලකුණු 18 ක් රැස් කළා.
පන්දු යැවීමේ දී Lea Tahuhu ලකුණු 21 කට කඩුලු 4 ක් බිද හෙලුවා.
පිළිතුරු ඉනිම ක්රීඩා කළ නවසීලන්තය පන්දුවාර 18.4 ක් අවසානයේ කඩුලු 2 ක් දැවී ජයග්රාහී ඉලක්කය පසු කළා.
Bernadine Bezuidenhout ලකුණු 24 ක් හා Suzie Bates ලකුණු 52 ක් ලබා ගත්තා. Amelia Kerr නොදැවී ලකුණු 33 යි.
පන්දු යැවීමේ දී කවීෂා දිල්හාරි හා ඉනෝකා රණවීර කඩුල්ල බැගින් බිද හෙලුවා.
