දකුණු අප්රිකානු ආරම්භක පිතිකරු ක්වෙන්ටන් ඩී කොක් සිය කණ්ඩායමේ සාමාජිකයින්ගෙන් හා ප්රේක්ෂකයින්ගෙන් සමාව ඉල්ලා තිබෙනවා.
ඒ, වර්ගවාදයට එරෙහිව දණ නැමීම ප්රතික්ෂේප කරමින් මෙවර 20යි 20 ලෝක කුසලාන තරගාවලිය යටතේ පසුගියදා බටහිර ඉන්දීය කොදෙව් කණ්ඩායමට එරෙහිව පැවැති තරගයෙන් ඉවත් වීමට ඔහු ගත් තීරණය වෙනුවෙන්.
ඒ අනුව ඉදිරියේ දී තමා වර්ගවාදයට එරෙහිව දණ නැමීමට ද සූදානම් බවයි ඔහු නිවේදනයක් නිකුත් කරමින් සදහන් කළේ.
වර්ගවාදයට එරෙහි වන බවට දණ නමා සිදු කරන අභිනය සියලු ක්රීඩකයින් විසින් තරග ආරම්භයට පෙර සිදු කළ යුතු බවට එරට ක්රිකට් ආයතනය පසුගියදා නියෝගයක් සිදු කර තිබුණා.
කෙසේ වෙතත්, එය ප්රතික්ෂේප කරමින් ඩී කොක් කොදෙව්වන්ට එරෙහි තරගයට ක්රීඩා කිරීමෙන් ද ඉවත් වුණා.
කණ්ඩායම් කළමණාකාරීත්වය විසින් ලබා දෙන වාර්තාව මත පදනම්ව සිද්ධිය සම්බන්ධයෙන් ඉදිරි ක්රියාමාර්ග ගන්නා බවයි දකුණු අප්රිකා ක්රිකට් ආයතනය පසුව නිවේදනය කළේ.
ඒ අනුව ඩී කොක්ගේ අනාගත ක්රීඩා දිවිය දැඩි අර්බුදයකට ලක්ව තිබූ අතර, ඔහුට යළි කිසි දිනක දකුණු අප්රිකාව නියෝජනය කිරීමට නොහැකි වනු ඇති බවටයි වාර්තා පල වුණේ.
