ශ්රී ලංකා ක්රිකට් ආයතනයේ සභාපතිවරයා සහ ලේකම්වරයා සම්බන්ධයෙන් මෙන්ම ක්රිකට් ක්රීඩකයන්ට අපහාස හා අගෞරවයක් ඇති වන ආකාරයෙන් කිසිදු ප්රකාශයක් නිකුත් කිරීම ඊයේ(20) දින සිට සති දෙකක කාලයකට වළක්වමින් කොළඹ ප්රධාන දිසා විනිසුරු සදුන් විතාන මහතා හිටපු ක්රීඩා අමාත්ය රොෂාන් රණසිංහ මහතාට වාරණයක් නිකුත් කර තිබෙනවා.
ශ්රී ලංකා ක්රිකට් ආයතනයේ මහජන මුදල් අයුතු ලෙස අවභාවිතා කරන්නේ යැයි හිටපු ක්රීඩා අමාත්යවරයා පසුගිය 5 වැනිදා කඩුවෙල දිසා අධිකරණ පරිශ්රයේදී කළ ප්රකාශයන්ට එරෙහිව ක්රිකට් ආයතනයේ සභාපතිවරයා හා ලේකම්වරයා විසින් ගොණු කළ පැමිණිල්ලක් සලකා බලමිනුයි කොළඹ ප්රධාන දිසා විනිසුරුවරයා මෙම වාරණය නිකුත් කළේ.
විත්තිකරුගේ අසථ්ය චෝදනා හේතුවෙන් පුද්ගලිකව තමන්ට මෙන්ම සිය ආයතනයටත්, ක්රිකට් ක්රීඩකයින්ට හා ක්රිකට් ක්රීඩාවටත් දැඩි අවමානයක් සිදුව ඇති බව පැමිණිලිකරුවන් සදහන් කළා.
අදාළ ප්රකාශය ඔස්සේ මහජනතාව තුළ වැරැදි වැටහීමක් ඇති වන බව පෙන්වා දුන් පැමිණිලිකරුවන්, රොෂාන් රණසිංහ මහතාගේ එම ප්රකාශයෙන් සිදු වූ හානියට රුපියල් මිලියන 500 ක වන්දියක් අය කර දෙන ලෙසටයි අධිකරණයෙන් ඉල්ලා සිටියේ.
