එක්සත් අරාබි එමීර් රාජ්යයේ ක්රීඩකයින් දෙදෙනෙකු වන Amir Hayat සහ Ashfaq Ahmed ට එරෙහිව තාවකාලික ක්රිකට් තහනමක් ජගත් ක්රිකට් කවුන්සලය විසින් පනවා තිබෙනවා.
ඒ, ඔවුන්ට එරෙහි තරග පාවාදීමේ චෝදනා හේතුවෙන්.
අයි.සී.සී දූෂන මර්දන පනතේ වගන්ති 5ක් උල්ලංඝනය කළ බවට ඔවුන්ට එරෙහිව චෝදනා ගොණු කර තිබෙනවා.
ඊට පිළිතුරු සැපයීම සදහා එම ක්රීඩකයින් දෙදෙනාට හිමිව ඇති කාලය සති දෙකක් බවයි ජගත් ක්රිකට් කවුන්සලය නිවේදනය කළේ.
Ashfaq Ahmedට එරෙහිව මීට පෙර එමිරේට්ස් ක්රිකට් ආයතනය ද ක්රිකට් තහනමක් පැනවීමට පසුගිය වසරේ ඔක්තෝම්බර් මාසයේ දී කටයුතු කළේ අයි.සී.සී පන්දුවාර 20යි 20 ලෝක කුසලාන ක්රිකට් තරගාවලියේ සුදුසුකම් ලැබීමේ තරග වටය අතරතුර දී යි.
කෙසේ වෙතත් ඔහුට එරෙහිව මෙතෙක් විධිමත් චෝදනා ගොණු කර තිබුණේ නැහැ.
