පන්දුව පිරිමැදීම සදහා ඛේටය (කෙල) තැවරීම හේතුවෙන් දඩුවම් නියම වූ පළමු රට බවට එක්සත් අරාබි එමීර් රාජ්ය කණ්ඩායම ඉතිහාසයට එක්ව තිබෙනවා.
නේපාලයට එරෙහිව පැවැති දෙවැනි එක්දින තරගයේ දී එක්සත් අරාබි එමීර් රාජ්ය කණ්ඩායමේ Alishan Sharafu විසින් පන්දුව පිරිමැදීම සදහා ඛේටය තැවරීම හේතුවෙනුයි ඔවුන්ට තරගය අතරතුර දී ම දඩුවම් නියම කිරීමට විනිසුරුවන් කටයුතු කළේ.
ඒ අනුව නේපාල කණ්ඩායමට දඩුවම් ලකුණු 5 ක් පිරිනැමීමට විනිසුරුවන් මෙම තරගයේ දී කටයුතු කර තිබෙනවා.
පන්දු රකින කණ්ඩායම විසින් පන්දුවේ ඛේඨය තැවරීම කොවිඩ් 19 වසංගතයත් සමග තාවකාලිකව තහනම් කිරීමට ජගත් ක්රිකට් කවුන්සලය පියවර ගත්තා.
වසර දෙකකට වැඩි කාලයක් පැවැති මෙම තහනම ස්ථීර තහනමක් බවට පත් කරමින් තවදුරටත් එම නීතියම පවත්වා ගෙන යාමටයි මෑතකදී අයි.සී.සී ය තීරණය කළේ.
නේපාලයේ Kirtipur හී දී පැවැති දෙවැනි එක්දින තරගයෙන් නේපාල කණ්ඩායම කඩුලු 3 ක ජයක් වාර්තා කළා.
