තරග දෙකකින් යුත් ටෙස්ට් ක්රිකට් තරගාවලියට ක්රීඩා කිරීම සදහා එංගලන්ත කණ්ඩායම අද පෙරවරුවේ දිවයිනට ළගා වුණා.
ඒ, හම්බන්තොට මත්තල ජාත්යන්තර ගුවන් තොටුපොලෙන්.
එංගලන්ත ක්රීඩකයින් හම්බන්තොට දී ජෛව ආරක්ෂිත බුබුලකට එක්වන අතර, අනතුරුව දින 10ක කාලයක් එහි රැදී සිටිනු ඇති.
එම කාලය තුළ දී සියලු ක්රීඩකයින්ට පුහුණුවීම් කටයුතු සිදු කිරීමේ අවස්ථාව ද හිමි වනවා.
එංගලන්ත කණ්ඩායමේ මෙම ශ්රී ලංකා තරග සංචාරයේ දි දෙරට අතර ලෝක ටෙස්ට් ශූරතාවලිය යටතට අයත් තරග දෙකක් ප්රේක්ෂක සහභාගීත්වයකින් තොරව ගාල්ලේ දී පැවැත්වීමට නියමිතයි.
පළමු තරගය ලබන 14 වනදා ද, දෙවැනි තරගය ලබන 22 වනදා ද ආරම්භ වනු ඇති.
මෙම තරගාවලිය පසුගිය වසරේ මාර්තු මාසයේ දී පැවැත්වීමට නියමිතව තිබූ නමුත්, කොරෝනා වසංගතය හේතුවෙනුයි තරගාවලිය කල් දැමීමට පියවර ගැණුනේ.
📸 England Cricket team arrived in Sri Lanka short-while ago for #SLvENG 2-match Test series. 🤩 @ECB_cricket pic.twitter.com/QlF95fKSW3
— Sri Lanka Cricket 🇱🇰 (@OfficialSLC) January 3, 2021
