නවතම අයි.සී.සී ටෙස්ට් ක්රිකට් ශ්රේණිගත කිරීම් ප්රකාශයට පත් කර තිබෙනවා.
ඊට අනුව එංගලන්ත වේග පන්දු යවන ක්රීඩක ජේම්ස් ඇන්ඩර්සන් පන්දු යවන්නන් ශ්රේණිගත කිරීම්හි 5 වැනි ස්ථානය දක්වා ඉදිරියට පැමිණීම විශේෂත්වයක්.
ශ්රේණිගත කිරීම්හි ස්ථාන 3කින් ඔහු එලෙස ඉදිරියට පැමිණ ඇත්තේ අලුබදුන ටෙස්ට් තරගාවලියේ තෙවැනි තරගයේ දී කඩුලු 4ක් දවා ගනිමින් දැක් වූ දක්ෂතාවය හේතුවෙන්.
අදාළ තරගයේ දෙවැනි ඉනිමේ දී කඩුලු 6ක් දවා ගනිමින් සිය මංගල ටෙස්ට් තරගයේ දී කඩුලු 7ක් දවා ගත් ඔස්ට්රේලියානු වේග පන්දු යවන ක්රීඩක ස්කොට් බෝලන්ඩ් ටෙස්ට් පන්දු යවන්නන් ශ්රේණිගත කිරීම්හි 74 වැනි ස්ථානයට පත්ව තිබෙනවා.
මේ අතර, තුන් ඉරියව් ක්රීඩකයින් අතර 5 වැනි ස්ථානය දක්වා එක් ස්ථානයක් ඉදිරියට පැමිණීමට ඔස්ට්රේලියාවේ මිචෙල් ස්ටක් සමත්ව තිබීම ද කැපී පෙනෙනවා.
ඒ, මෙතෙක් 5 වැනි ස්ථානයේ පසු වූ එංගලන්තයේ බෙන් ස්ටොක්ස් 6 වැනි ස්ථානයට පත් කරමින්.
