ඉන්දියාවේ පැවැත්වෙන කාන්තා ප්රිමියර් ලීග් (WPL) ක්රිකට් තරගාවලියේ තෙවැනි අදියරට අදාළ ක්රීඩිකාවන් වෙන්දේසිය දෙසැම්බර් 15 වැනිදා බැංගලූරුහීදී පැවැත්වීමට නියමිතව තිබෙනවා.
වෙන්දේසිය දිනය හා ස්ථානය ඉන්දීය ක්රිකට් පාලක මණ්ඩලය විසින් කණ්ඩායම් පහ වෙත දැනුම් දී ඇති බවයි විදෙස් ක්රීඩා මාධ්ය වාර්තා කර ඇත්තේ.
විදෙස් ක්රීඩිකාවන් 5 දෙනෙකු සමග ක්රීඩිකාවන් 19 දෙනෙකු වෙන්දේසියේදී උපරිම වශයෙන් අලෙවි වනු ඇති.
ක්රීඩිකාවන් මිලදී ගැනීම සදහා එක් කණ්ඩායමකට පසුගිය වසරේ දී ඉන්දීය රුපියල් කෝටි 13.5 ක මුදලක් වියදම් කිරීමට අවස්ථාව පැවැති අතර, මෙවර එය ඉන්දීය රුපියල් කෝටි 15 ක් දක්වා ඉහළ නංවා තිබෙනවා.
2025 කාන්තා ප්රිමියර් ලීග් ක්රිකට් තරගාවලියට අදාළ ක්රීඩිකාවන් වෙන්දේසියට පෙර ඒ ඒ කණ්ඩායම් විසින් සිය සංචිතවල රදවා ගෙන ඇති ක්රීඩිකාවන් හා නිදහස් කළ ක්රීඩිකාවන් ලැයිස්තු මීට පෙර නිවේදනය කෙරුණු අතර, ඒ අනුව UP Warriorz කණ්ඩායම විසින් ශ්රී ලංකා නායිකා චමරි අතපත්තු සිය සංචිතයේ රදවා ගැනීමටයි තීරණය කර තිබුණේ.
