මෙවර කාන්තා ප්රිමියර් ලීග් (WPL) ක්රිකට් තරගාවලියේ අවසන් මහා තරගයට සෘජුව සුදුසුකම් ලබා ගැනීමට දිල්ලි කැපිටල්ස් කණ්ඩායම සමත් වුණා.
ඒ, තරගාවලියේ 20 වැනි තරගයෙන් යූපී වොරියර්ස් කණ්ඩායම කඩුලු 5 කින් පරදා ප්රසාද ලකුණු සටහනේ පෙරමුණ තහවුරු කර ගනිමින්.
මේ වන විට තරගාවලියේ මූලික වටයේ සියලු තරග අවසන්ව ඇති අතර, දිල්ලි කණ්ඩායම ප්රසාද ලකුණු සටහනේ පළමු ස්ථානය දිනා ගත්තේ තරග 8 න් තරග 6 ක් ජය ගනිමින්.
තරග 8න් තරග 6 ක් ජය ගත් මුම්බායි ඉන්දියන්ස් කණ්ඩායමේ දල ලකුණු ලබා ගැනීමේ වේගයට වඩා දිල්ලි කණ්ඩායමේ දල ලකුණු ලබා ගැනීමේ වේගය ඉදිරියෙන් පැවැති බැවිනුයි දිල්ලි පිල ප්රසාද ලකුණු සටහනේ පෙරමුණ හිමි කර ගනිමින් අවසන් මහා තරගයට සුදුසුකම් ලබා ගත්තේ.
ප්රසාද ලකුණු සටහනේ දෙවැනි හා තෙවැනි ස්ථාන දිනා ගත් මුම්බායි හා යූපී වොරියර්ස් කණ්ඩායම් එළඹෙන 24 වැනිදා පැවැත්වෙන Eliminator තරගය සදහා ක්රීඩා කිරීමට නියමිත අතර, ඉන් ජය ගන්නා කණ්ඩායම දිල්ලි කණ්ඩායමට එරෙහිව එළඹෙන ඉරිදා අවසන් මහා තරගයට ක්රීඩා කිරීමට නියමිතයි.
