නවසීලන්තය හා ශ්රී ලංකාව අතර පැවැත්වෙන පළමු ටෙස්ට් ක්රිකට් තරගයේ තෙවැනි දිනයේ දී ප්රේක්ෂකයෙකු රැක ගත් සුපිරි උඩ පන්දුවක් වෙත මේ වන විට බොහෝ දෙනෙකුගේ අවධානය යොමුව තිබෙනවා.
තරගය ක්රයිස්චර්ච්හී දී පැවැත්වෙන අතර, අද දිනය සදහා තරගය ආරම්භ කරන විට සිය පළමු ඉනිම ක්රීඩා කරමින් සිටි නවසීලන්තය කඩුලු 5 ක් දැවී ලකුණු 162 ක් ලබා සිටියා.
දිනයේ පළමු කඩුල්ල ලෙස මයිකල් බ්රේස්වෙල් ලකුණු 25 කට දැවී යාමෙන් පසුව පිටියට පිවිසි නායක ටිම් සවුති එල්ල කළ හයේ පහරක් රැක ගැනීම සදහායි ප්රේක්ෂකයෙකු විසින් මෙම සුවිශේෂී උඩ පන්දුව රැක ගනු ලැබුවේ.
ඔහු තනි අතින් මෙම උඩ පන්දුව රැක ගැනීම හේතුවෙනුයි එය කාගේත් අවධානය දිනා ගැනීමට සමත් වුණේ. (දර්ශන පහතින්)
නවසීලන්ත කණ්ඩායමේ 7 වැනි කඩුල්ල ලෙස නායක ටිම් සවුති දැවී ගියේ ද ලහිරු කුමාර රැක ගත් සුපිරි උඩ පන්දුවක් හේතුවෙනුයි.
Watch : සියල්ලන් මවිතයට පත් කළ ලහිරුගේ සුපිරි උඩ පන්දුව
දැවී යන විට සවුති පන්දු 20 කින් ලකුණු 25 ක් ලබා සිටියේ හයේ පහරක් හා හතරේ පහර 3 ක් සමගින්.
— CricDaily24 (@cricday96) March 11, 2023
