ශ්රී ලංකාව හා ඔස්ට්රේලියාව අතර ගාල්ලේ දී පැවැත්වෙන පළමු ටෙස්ට් ක්රිකට් තරගයේ දෙවැනි දිනය මේ වන විට පැවැත්වෙනවා.
ශ්රී ලංකාව පළමු ඉනිමට ලබා ගත් ලකුණු 212ක ප්රමාණය අභිබවා යාමට මේ වන විට ඔස්ට්රේලියාව සමත්ව ඇත්තේ ශ්රී ලංකාවට ප්රබල අභියෝගයක් එල්ල කරමින්.
ඔස්ට්රේලියානු පළමු ඉනිමේ දී ශ්රී ලංකාවට හිසරදයක් බවට පත් වුණේ කැමරන් ග්රීන් හා ඇලේක්ස් කෙරී 6 වැනි කඩුල්ල වෙනුවෙන් ගොඩ නැගූ සබදතාවයයි.
ඔවුන් දෙදෙනා පන්දු 93කින් ලකුණු 84 ක සබදතාවයක් ගොඩ නගමින් ඔස්ට්රේලියාව ප්රබල ස්ථානයක් කරා රැගෙන යාමට සමත් වුණා.
එම සබදතාවය බිද වැටුණේ රමේෂ් මෙන්ඩිස් යොමු කළ පන්දුවක් හමුවේ දිනේෂ් චන්දිමාල් රැක ගත් සුපිරි උඩ පන්දුවක් හේතුවෙන්.
එහිදී දැවී ගිය පිතිකරුවා බවට පත් වුණේ ඇලෙක්ස් කෙරී.
ඔහු දැවී යන විට පන්දු 47කින් ලකුණු 45ක් ලබා සිටියා.
— cric fun (@cric12222) June 30, 2022
