ශ්රී ලංකාව හා ඔස්ට්රේලියාව අතර ගාල්ලේ දී පැවැත්වෙන දෙවැනි හා අවසන් ටෙස්ට් ක්රිකට් තරගය අද (8) ආරම්භ වුණා.
තරගයේ කාසියේ වාසිය දිනූ ඔස්ට්රේලියානු කණ්ඩායම පළමුවෙන් පන්දුවට පහර දීමටයි තීරණය කළේ.
මෙම තරගයට ශ්රී ලංකා කණ්ඩායම වෙනස්කම් 4ක් සිදු කර ඇති අතර, ශ්රී ලංකාව වෙනුවෙන් මහීෂ් තීක්ෂණ, කමිදු මෙන්ඩිස් හා ප්රභාත් ජයසූරිය ටෙස්ට් වරම් දිනා ගැනීම ද විශේෂත්වයක්.
ඔස්ට්රේලියානු කණ්ඩායම මෙම තරගය සදහා කිසිදු වෙනස්කමක් සිදු කර නැහැ.
පළමුවෙන් පන්දුවට පහර දීමට පිටියට පිවිසි ඔස්ට්රේලියානු කණ්ඩායමේ පළමු කඩුල්ල ලකුණු 15 ක් ලෙස සටහන්ව තිබියදී බිද වැටුණා.
ඒ, ඩේවිඩ් වෝනර් ලකුණු 5 කට දැවී යාමත් සමගයි.
අසිත ප්රනාන්දුට කොවිඩ් 19 ආසාදනය වී ඇති බැවින් ඔහු වෙනුවට මෙම තරගය සදහා කැදවූ කසුන් රාජිත විසින් එම කඩුල්ල දවා ගත්තා.
ඔහු යොමු කළ පන්දුවක් කෙළින්ම කඩුල්ලේ වැදීම හේතුවෙනුයි වෝනර්ට සිය කඩුල්ල අහිමි වුණේ.
එහි දර්ශන පහතින් නරඹන්න –
— cric fun (@cric12222) July 8, 2022
