ශ්රී ලංකාව හා ඔස්ට්රේලියාව අතර ගාල්ලේ දී පැවැත්වෙන දෙවැනි හා අවසන් ටෙස්ට් ක්රිකට් තරගයේ කාසියේ වාසිය දිනා ගැනීමට ඔස්ට්රේලියානු කණ්ඩායම සමත් වුණා.
ඒ අනුව ඔවුන් තරගයේ පළමුවෙන් පන්දුවට පහර දීමටයි තීරණය කළේ.
මෙම තරගයේ දී ශ්රී ලංකාව වෙනුවෙන් ක්රීඩකයින් තිදෙනෙකු ටෙස්ට් වරම් දිනා ගැනීම විශේෂත්වයක්.
ඒ අනුව මහීෂ් තීක්ෂණ, කමිදු මෙන්ඩිස් හා ප්රභාත් ජයසූරිය අද තරගයේ දී ශ්රී ලංකාව වෙනුවෙන් ටෙස්ට් වරම් දිනා ගත්තා.
පළමු තරගයට ක්රීඩා කළ ධනංජය ද සිල්වා, අසිත ප්රනාන්දු, ජෙෆ්රි වැන්ඩර්සේ යන ක්රීඩකයින්ට අද තරගය අහිමි වුණේ ඔවුන්ට කොවිඩ් 19 ආසාදනය වී ඇති බව අනාවරණය වීම හේතුවෙන්.
පළමු ටෙස්ට් තරගයේ දී සුපුරුදු දක්ෂතා අතරට පිවිසීමට අසමත් වූ ලසිත් ඇඹුල්දෙණිය ද සංචිතයෙන් නිදහස් කිරීමට මීට පෙර ශ්රී ලංකා ක්රිකට් තේරීම් කමිටුව පියවර ගත්තා.
අද තරගයේ දී ටෙස්ට් වරම් දිනා ගත් ක්රීඩකයින් තිදෙනාට අමතරව වේග පන්දු යවන ක්රීඩක කසුන් රාජිත ද යළි කණ්ඩායමට කැදවා තිබෙනවා.
ඔස්ට්රේලියානු කණ්ඩායම මෙම තරගය සදහා කිසිදු වෙනස්කමක් සිදු කර නැහැ.
කණ්ඩායම් දෙක –
Sri Lanka XI :
Pathum Nissanka, Dimuth Karunaratne(c), Kusal Mendis, Angelo Mathews, Dinesh Chandimal, Kamindu Mendis, Niroshan Dickwella(w), Ramesh Mendis, Maheesh Theekshana, Prabath Jayasuriya, Kasun Rajitha
Australia XI :
David Warner, Usman Khawaja, Marnus Labuschagne, Steven Smith, Travis Head, Cameron Green, Alex Carey(w), Pat Cummins(c), Mitchell Starc, Nathan Lyon, Mitchell Swepson
