දකුණු අප්රිකාව සමග පැවැති තෙවැනි එක්දින ක්රිකට් තරගයේ දී එංගලන්ත පිතිකරු මොයීන් අලී එල්ල කිරීමට උත්සාහ කළ පහරක් වෙත මේ වන විට ලොව පුරා බොහෝ දෙනෙකුගේ අවධානය යොමුව ඇති බවක් දක්නට ලැබෙනවා.
දකුණු අප්රිකාවේ Kimberley හි පැවැති තරගයේ කාසියේ වාසිය දිනූ දකුණු අප්රිකාවේ ආරාධනයෙන් පළමුව පන්දුවට පහරදුන් එංගලන්තය කඩුලු 7 ක් දැවී ලකුණු 346 ක් රැස් කළා.
එංගලන්ත ඉනිමේ 44 වැනි පන්දුවාරයේ දී ටබ්රයිස් ශම්සිට එරෙහිවයි මොයීන් අලී මෙම සුවිශේෂී පහර එල්ල කිරීමට තැත් කළේ.
එම පන්දුවාරයේ සිව්වැනි පන්දුවට ඔහු විසින් රිවර්ස් slog පහරක් තනි අතින් එල්ල කිරීමට උත්හාස කළ නමුත්, පන්දුව පිත්තේ නොවැදී එය කඩුලු රකින්නා අතට ඇදී ගියා.(දර්ශන කිහිපයක් පහතින් නරඹන්න)
මොයීන් අලී මෙම ඉනිමේ දී පන්දු 23 කින් ලකුණු 41 ක් ලබා ගත්තේ හයේ පහර 4 ක් හා හතරේ පහර 2 ක් ද සමගින්.
මෙම තරගයේ පිළිතුරු ඉනිම ක්රීඩා කළ දකුණු අප්රිකාවට පන්දුවාර 43.1 ක් අවසානයේ සියලු දෙනා දැවී ලබා ගත හැකි වූයේ ලකුණු 287 ක් පමණයි.
ඒ අනුව එංගලන්තයට ලකුණු 59 ක ජයක් හිමි වූ අතර, එක්දින තරගාවලියේ ජය තරග 2-1 ක් ලෙස දකුණු අප්රිකාව හිමි කර ගත්තා.
Have you ever seen a one-handed “shot” quite like this forehand from Moeen Ali? 🎾 #SAvENG pic.twitter.com/bqWiKid3ra
— 🏏Flashscore Cricket Commentators (@FlashCric) February 2, 2023
Moeen Ali for you 😅#ENGvSApic.twitter.com/5mLAZl2sFM
— Cricket Pakistan (@cricketpakcompk) February 2, 2023
